Ақтөбеде 2026 жылы 26 скверлер абаттандырылады

Ақтөбе қаласының әкімі Азамат Бекет биыл қаланың қоғамдық кеңістіктерін (парктер, скверлер, қараусыз бос жатқан учаскелер) абаттандыру бойынша жоспарларымен бөлісіп, жобаларды таныстырды. Бұл шараға қалалық мәслихат депутаттары, қалалық қоғамдық кеңес мүшелері, демеуші-кәсіпкерлер мен демеуші-кәсіпорындар басшылары және БАҚ өкілдері қатысты.

Ақтөбе қаласының әкімдігі биыл, 2026 жылы 26 қоғамдық кеңістікті абаттандыруды көздеп отыр. Бұл жұмыстарға қазіргі таңда демеушілер тартылды.

Жалпы, абаттандыру жұмыстары 2 бағытта жүргізіледі: жаңа қоғамдық кеңістіктер салу және ескірген саябақтарды реставрациялау. Ал абаттандырылатын учаскелердегі жұмыс барысын қадағалау үшін әр қайсысына бір депутат пен бір қоғамдық кеңес мүшесінен бекітілетін болады.

Мәслихат депутаты, индустриалдық даму, инфрақұрылым және тұрғын үй-коммуналдық мәселелер бойынша тұрақты комиссия төрағасы биыл жалғасын тауып жатқан абаттандыру жобаларын қолдап, депутаттар мен қоғамдық кеңес мүшелері әкімдікпен бірлесіп жұмыстануға дайын екендігін және қоғамдық кеңістіктерде тәртіптің сақталуына бақылауды күшейту қажеттігін атап өтті.

Фото

Previous Next