Кеген аудандық қоғамдық кеңес мүшелері 2026 жылғы 14–15 қаңтар күндері Кеген ауылында орналасқан 5 дәріханада болып, дәрі-дәрмек бағасына қоғамдық мониторинг жүргізді. Дәріханаларға жеткізуші фирмалардан келген дәрілік заттардың үстеме бағасын 30 пай

Қазақстан Республикасының Мәдениет және ақпарат министрлігінен вице-министр А. Құрмановадан келіп түскен «Дәрілік заттардың бағасына қоғамдық бақылау жүргізу туралы» хатқа сәйкес, Кеген аудандық қоғамдық кеңесі Қазақстан Республикасының «Қоғамдық бақылау туралы» Заңының 12-бабының 3 және 4-тармақтарын басшылыққа ала отырып, ауданда қызмет атқарып отырған дәріханаларға алдын ала ресми жолдама жіберу және келісу арқылы дәрілік заттардың бағасына қоғамдық бақылау жүргізді.

Аудан аумағында мемлекеттік дәріханалар жоқ. Барлығы 10 дәріхана тіркелген, олардың барлығы – жеке кәсіпкерлік нысандар. Қазіргі таңда 7 дәріхана тұрақты жұмыс істеп тұр, 3 дәріхана өз қызметін уақытша тоқтатқан.

Кеген аудандық қоғамдық кеңес мүшелері 2026 жылғы 14–15 қаңтар күндері Кеген ауылында орналасқан 5 дәріханада болып, дәрі-дәрмек бағасына қоғамдық мониторинг жүргізді. Дәріханаларға жеткізуші фирмалардан келген дәрілік заттардың үстеме бағасын 30 пайызға дейін қоюға рұқсат етілгені анықталды.

Мониторинг нәтижелері:
    1.    Жеке кәсіпкер «Бейсенбаева» дәріханасы.
Тексеру барысында дәріханаға жаңа дәрілік заттар жеткізіліп, қабылдау және баға белгілеу жұмыстары жүргізіліп жатқаны анықталды. Счет-фактуралармен салыстыру нәтижесінде дәрілердің бұрынғы бағамен салыстырғанда 50–450 теңге аралығында арзандап келгені байқалды. Аталған дәріханада дәрілерге тек 15 пайыз көлемінде үстеме баға қосылады. Бағаны негізсіз немесе өрескел көтеру фактілері тіркелмеді.
    2.    Жеке кәсіпкер «Алинур Фарм» дәріханасы
Дәріхана меңгерушісі – Бекова Асель Бакдаулетовна. Дәрілік заттардың бағасы бұрынғы кезеңмен салыстырғанда төмендеген. Фирмалардан жеткізілген дәрілерге 15 пайыздан жоғары үстеме баға қосылмаған.
    3.    ЖШС «Мирас Фарм» дәріханасы
Дәріхана меңгерушісі – Сарсенбаева Данеля. Бұл дәріханада бағалар «Бейсенбаева» дәріханасымен салыстырғанда біршама жоғары. Дәрілер «Турсад», «Медсервис Плюс», «Эмити», «Инкар» фирмаларынан жеткізіледі. Дәріхана меңгерушісінің айтуынша, дәрілер жеткізуші фирмалардан бұрынғы бағамен салыстырғанда қымбат болып келуде.
    4.    Жеке кәсіпкер «Рахимова» дәріханасы
Меңгерушісі – Рахимова Айгүл. Бұл дәріханада да дәрілік заттардың бағасы бұрынғы бағалармен салыстырғанда жоғарылағаны анықталды.
    5.    ЖШС «Улпан МР» дәріханасы
Дәріхана меңгерушісі – Сарыбаев Жазира Муратовна. Дәріхананың ашылғанына небәрі 2 ай болған. Қазіргі таңда дәрілік заттардың бағасы қалыпты деңгейде.

Қорытынды:
Жүргізілген қоғамдық бақылау нәтижелерін ескере отырып, негізгі дәрілік заттардың бағасына бақылауды тек бөлшек сауда деңгейінде ғана емес, ең алдымен дәрі-дәрмектерді жеткізуші фирмалардан бастап күшейту қажет деп санаймыз.

Фото

Previous Next