ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ.

---

Қалалық қоғамдық кеңесінің кезекті отырысында қазіргі таңда өзекті болып отырған қалаішілік қоғамдық тасымалдау жұмыстарының барысы қаралды.

Осыған байланысты, Қоғамдық кеңес жанынан құрылған Құрылыс, энергетика және тұрғын үй-коммуналдық шаруашылығы, ауылшаруашылық және табиғат пайдалану мәселелері жөніндегі салалық комиссия мүшелері «Қызылорда автобус паркі» ЖШС-нің жұмысымен танысты.

Онда автобус паркінің алдағы жұмыс жоспарларымен танысып, жолаушылар тасымалындағы түйткілді мәселелерді шешуге бағытталған шараларды пысықтады.

Бүгінде, қала тұрғындарына қалаішілік 26 және қала маңына қатынайтын 8 бағытта 400-ге жуық автокөлік келісім-шарт талаптарына сәйкес қызмет көрсетіп келеді. «Қызылорда автобус паркі» ЖШС-не қарасты үлкен сыйымдылықтағы автобустар 6 (№1,11,14,17,18,25) бағытта қатынауда.

2020 жылы электронды билет «Alempay» ЖШС-мен енгізіліп, қазіргі таңда түсімнің 83% электронды түрде, 17% қолма-қол болуда.

Қазіргі таңда, автобус паркінің 50% автобустары ғана күнделікті қызмет көрсетуде. Бағыттарға орташа есеппен күніне 50 автобус шығарылып отырғанымен, 5-8 автобустар бұзылып келуіне байланысты жүрген бағыттарынан алынуда.

Бұл мәселелеге байланысты, қалалық коммуналдық шаруашылық, жолаушылар көлігі және автомобиль жолдары бөлімі басшысы Б.Оспанов қоғамдық кеңес мүшелерінің сұрақтарына жауаптар беріп, мәселе жан-жақты талқыланды.

Күн тәртібіндегі екінші мәселеге орай, қалалық сәулет және қала құрылысы бөлімінің басшысы Ғ.Қожахметов хабарлама жасап, 2021 жылы бөлім тарапынан көрсетілген мемлекеттік қызметтер бойынша атқарылған жұмыстары туралы есебі тыңдалып, Қоғамдық кеңес мүшелері тарапынан қойылған сұрақтарға жауап берілді.