Павлодар аудандық бюджеті және ауылдық округтердің бюджеттері туралы

Павлодар ауданының Қоғамдық кеңесінің отырысында Павлодар ауданының 2026-2028 жылдарға арналған және ауданның ауылдық округтердің бюджет жобалары қаралды.

Бұл мәселе бойынша экономика және бюджетті жоспарлау бөлімінің басшысы Ж.Ж. Рахымбердина ақпарат берді.

2026 жылға арналған аудандық бюджет 5 036 178 мың теңгені құрады, оның ішінде меншікті кірістер – 1 632 385 мың теңге, субвенция – 1 935 945 мың теңге, жоғары тұрған бюджеттен берілетін мақсатты трансферттер мен несиелер – 1 467 848 мың теңге.

Аудандық бюджет қаражаттары келесі бағыттарға бағытталатын болады:

Әлеуметтік қамтамасыз ету және әлеуметтік көмек көрсетуге, оның ішінде азаматтардың жекелеген санаттарына мемлекеттік атаулы әлеуметтік көмек, мүгедек балаларды материалдық қамтамасыз ету, мұқтаж мүгедектерді міндетті гигиеналық құралдармен қамтамасыз ету және мүгедекті оңалтудың жеке бағдарламасына сәйкес ымдау тілі мамандарының, жеке көмекшілердің қызметтерін көрсету, санаторий-курорттық емдеу, «Үйде әлеуметтік қызмет көрсету орталығы» КММ, «Отбасыны қолдау орталығы» КММ-ні ұстау және өмірлік қиын жағдайға тап болған тұлғаларға көмек көрсету, үкіметтік емес ұйымдарда мемлекеттік әлеуметтік тапсырысты орналастыру.

Сондай-ақ тұрғын үй-коммуналдық шаруашылыққа (коммуналдық тұрғын үйлерді жөндеу, сумен жабдықтау және су бұру жүйелерінің жұмыс істеуі, коммуналдық меншіктегі жылу желілерін пайдалануды ұйымдастыру). мәдениет пен спортты дамытуға және т.б.

Жалпы, 2026-2028 жылдарға арналған аудандық бюджет барлық мемлекеттік органдар мен ауданның әлеуметтік нысандарының жұмыс істеуін, сондай-ақ азаматтардың жекелеген санаттарына әлеуметтік көмек пен әлеуметтік қамтамасыз етуді қамтамасыз етеді.

Сондай-ақ, Кеңес отырысында ауылдық округтер мен Ольгинка ауылының 2026-2028 жылдарға арналған бюджет жобалары қаралды.

Жоспарлы кезеңге арналған бюджет кірістерінің болжамын қалыптастыру кезінде 2025 жылдың қаңтар-қазан айларындағы бюджетке түсімдер динамикасы негізінде ағымдағы жылға арналған түсімдер бағасы ескерілді, сонымен қатар ауыл, ауылдық округ аумағында орналасқан жалпыға таратылған пайдалы қазбаларды өндіру салығы ескерілді (9 округте 12 004 мың теңге сомасында көзделген).

2026 жылға арналған ауыл және ауылдық округтер бюджетінің көлемі – 1 710 093 мың теңгені құрады. 2026 жылға арналған ауылдық округтер мен ауыл бюджеттерінің меншікті кірістерінің көлемі – 355 430 мың теңге.

Ауылдық бюджет жобаларында үш жылдық кезеңге арналған субвенция ескерілген, оның ішінде 2026 жылға – 849 мың теңге.

Ауылдық бюджет жобаларында үш жылдық кезеңге арналған субвенция ескерілген, соның ішінде 2026 жылға – 849 832 мың теңге, 2027 жылға – 966 285 мың теңге, 2028 жылға – 1 009 793 мың теңге.

Сондай-ақ, жалпы сомасы – 504 831 мың теңге болатын нысаналы трансферттер көзделген, оның ішінде аудандық бюджеттен – 156 901 мың теңге, облыстық бюджеттен – 347 930 мың теңге.

Жоспарланған бюджет қаражаты сумен жабдықтауды ұйымдастыруға (ТКШ-ны ұстау, судың химиялық талдауын жүргізу, елді мекендерді жарықтандыру, елді мекендердің санитарлық жағдайын қамтамасыз ету (ұйымдастырылған қоқыс полигондарын ұстау), жерлеу орындарын ұстау және жақыны жоқтарды жерлеу; елді мекендерді ағымдағы абаттандыру, жергілікті деңгейде мәдени-демалыс жұмыстарын қолдау, елді мекендердегі автомобиль жолдарын қысқы және жазғы ұстау, Черноярка ауылындағы Мектеп көшесі (1,500 км) және шағын көшелердегі (0,678 км) ауыл ішіндегі жолдарды орташа жөндеу – 2,178 км., Луган ауылдық округі, Богдановка ауылындағы Жастар көшесіндегі ауыл ішіндегі жолды орташа жөндеу – 1,373 км., Айтым ауылындағы ауыл ішіндегі жолдарды (Темірханов, Гагарин, Титов, Амангелді көшелері және басқа да мақсаттар) орташа жөндеуге бағытталатын болады.

Қоғамдық кеңес аудандық бюджет пен ауылдық округ бюджеттерінің жобасын мақұлдады.

Фото

Previous Next