Тараз қалалық Қоғамдық кеңес 2026 жылдың бюджетін талқылады. "Кілтипандар" жоқ емес.

Тараз қалалық Қоғамдық кеңестің қарауына әкімдік тарапынан облыс орталығының 2026 жылға арналған бюджетінің жобасы ұсынылды.

Кеңес құрамы келер жылдың қаржысын түгендеуде маңызы зор әлеуметтік және инфрақұрылымдық мәселелерге аса мән берді.

Соның ішінде, ардагерлер мен зейнеткерлердің жырға айналған санаторлық-курорттық жолдамаларына өтемақы көлемін,оның мақсатты игерілуін, жылдап жөндеуді қажет етіп келе жатқан жолдар мен ауыз су құбырларының жайын кеңінен қаузап, атқарушы органдар өкілдеріне сұрақтарын төтесінен қойды.

Сондай-ақ, кеңесте қаралған екінші мәселе – қала әкімдігі тұрғын үй қатынастары бөлімінің мемлекеттік қызметтерді көрсету жағдайы болды.

Мұнда да кеңестіктер тұрғын үй кезегіне кеңінен тоқталып, азаматтардың келіп тұрған кезектерінің «ғажайып түрде» кері шегініп кететіндігіне сын садағын қадады.

Сөйтсе, бұл «сұранысқа ие» қызмет осы жылдың мамыр айында «Отбасы банктің» қызметіне өтіп, атқарушы органдардың құзыретінен ұзатылғаны белгілі болды.

Енді барлық сұрақтар бойынша кемшіліктерді түзеу жөнінде Қоғамдық кеңес өз ұсынымдарын жауаптыларға жолдайтын болады. Әліптің артын БАҚЫЛАЙЫҚ.

Фото

Previous Next