ҚЫЗЫЛОРДА ОБЛЫСЫНЫҢ ҚОҒАМДЫҚ КЕҢЕСІНІҢ ТӨРАЛҚА ОТЫРЫСЫ ӨТТІ

---

Үстіміздегі жылдың тамыз айының 4-і күні Қызылорда облысының Қоғамдық кеңесінің төрағасы Ә. Хожбановтың төрағалығымен төралқа отырысы өтті. Отырысқа төралқа мүшелері толық қатысып, кезекті Қоғамдық кеңес отырысының күн тәртібі мен мерзімі белгіленді және ұйымдастыру мәселелері талқыланды.

Қыркүйек айында өтетін Қоғамдық кеңестің кезекті отырысының күн тәртібіне мынандай өзекті мәселелер ұсынылып бекітілді:

1. Облыста Сырдария суын пайдалануды реттеу, субсидиялау, су шаруашылығы және кіші Аралды сақтау жобасының екінші кезеңінің мәселелері;

2. Қызылорда облысының құрылыс, сәулет және қала құрылысы басқармасының 2020-2022 жылдар аралығында атқарған жұмыстары және сыбайлас жемқорлықтың алдын алу бойынша басқарма басшысының есебін тыңдау.

Ұйымдастыру мәселелері бойынша Қоғамдық кеңестің салалық комиссияларының жұмыс жоспарлары, кейбір заңдылық мәселелері және "Қоғамдық кеңес апталығына" іс-шаралар дайындау мәселелері жөнінде талқыланды.