Бүгін кеңес төрағасы Жүсіпов Бекмұрат Қыдырбайұлының төрағалығымен Маңғыстау облысы Қоғамдық кеңесінің отырыс өтті.

Кеңес отырысына облыс әкімінің орынбасары Тілек Жеткізгенұлы, облыстық басқарма басшылары, облыстық полиция департаменті, облыстық төтенше жағдайлар департаменті, облыстық мемлекеттік кірістер департаменті қатысты.
Отырыста облыстық экономика және бюджеттік жоспарлау басқармасының басшысы Тілеген Едігеұлы Едігеев 2025 жылға арналған жергілікті бюджетті нақтылау және 2026–2028 жылдарға арналған облыс бюджетінің жобасын ұсынды.
2026–2028 жылдарға арналған бюджет жаңа Бюджет кодексі аясында әзірленіп, әлеуметтік салаларды қолдау, инженерлік инфрақұрылымды жаңғырту және өңірлік теңсіздіктерді азайтуға бағытталған.
Кеңес мүшелері аталған шешім жобасын жан-жақты талқылап, өз ұсыныстары мен пікірлерін білдірді.
Талқылау барысында облыстың әлеуметтік-экономикалық даму көрсеткіштері мен басым бағыттар назарға алынды.
Сонымен қатар, Бюджет жобасы мен Даму жоспары тұрғындардың өмір сапасын арттыруға, инфрақұрылымдық және әлеуметтік мәселелерді кезең-кезеңімен шешуге бағытталғандығы атап өтілді.

Фото

Previous Next