Киберқылмысқа қарсы іс-қимыл туралы

Демеуов Б.-ның төрағалығымен облыстық қоғамдық кеңестің Президиум отырысы өтті. Күн тәртібінде – киберқылмысқа қарсы іс-қимыл мәселесі қаралды. Отырыс жұмысына облыстық полиция департаментінің жауапты мамандары, облыстық білім беру басқармасы мен жұмыспен қамтуды үйлестіру және әлеуметтік бағдарламалар басқармасы басшыларының орынбасарлары қатысты. Киберқылмысқа қарсы іс-қимыл бойынша баяндама жасаған – полиция департаменті басшысының орынбасары Жанпейісов С. Ал Қарағанды облысы полиция департаментінің ақпараттандыру және байланыс басқармасы компьютерлендіру бөлімінің басшысы Рапишев Д. криптовалюта және оның қолданылуы туралы ақпарат берді. Қоғамдық кеңес мүшелері Демеуов Б., Қазылова Г., Касицин А., Регатунова М., Сәрсенбай А. талқылауға белсенді қатысты. Қоғамдық кеңес мүшелерінің сұрақтарына Павлодар облысы полиция департаментінің киберқылмысқа қарсы іс-қимыл басқармасының басшысы Абетжанов А. және тергеу басқармасының киберқылмысты тергеу бөлімі басшысы Ахметзянов Р. жауап берді. Отырыс қорытындысы бойынша полиция департаментіне, басқармаларға және қала мен аудан әкімдіктеріне бірқатар ұсынымдар берілді.

Фото

Previous Next