ҚОҒАМДЫҚ КЕҢЕСТЕР АПТАЛЫҒЫ ӨТУДЕ

---

         Бүгін, Төлеби аудандық Қоғамдық кеңесінде Қазақстан Республикасында қоғамдық кеңестер апталығын ұйымдастыру және өткізу тұжырымдама жоспарына сәйкес жиын өтті.  Отырысты Қоғамдық кеңес төрағасы Б.Оралбеков ашып, жүргізіп, отырды. Жиынға Төлеби аудандық адами әлеуетті дамыту бөлім басшысының м.а. А.Садықова және кеңестің білім беру саласына жауапты комиссия мүшелері қатысты. Отырыста іс-шаралар өткізу кестесіне сәйкес «білім беру» тақырыбында 3 мәселе қаралды. 

1.   Оқушылардың оқулықтармен қамтылуы.

2.   «Мектепке жол» акциясы.

3.   Білім беру мекемелерінің қысқы маусымға дайындықтары.

 

      Үш мәселе бойынша аудандық адами әлеуетті дамыту бөлім басшысының м. а. А.Садықова хабарлама жасады. Ауданда білім беру ұйымдарында 27990 оқушы бар. 2022-2023 оқу жылында оқушылар оқулықтармен 100 пайыз қамтамасыз етілуі жоспарлануда. Жалпы 14 баспадан 114380 дана оқулықтар мен оқу әдістемелік кешендері 269 555 416 теңге қаржыға алынуы жоспарлануда. 2 сынып оқулықтары түгел жаңартылған, жалпы саны 45950 дана оқулық, соммасы 98 193 300 теңге. Бүгінге дейін «Атамұра» баспасынан 65 пайыз оқулықтары келді. «Мектеп», «Оксфорд», «Келешек-2030» баспаларынан оқулықтар түгел келді. Қалған баспалар 17 тамызда келуі күтілуде.

      Ауданда «Мектепке жол» акциясы өткізіліп жатыр. «Жалпыға міндетті білім беру» қорынан бөлінген қаражат 850 оқушыны киім-кешекпен қамтамасыз етуге жетеді. Атаулы әлеуметтік көмек алатын отбасынан шыққан оқушыларымызға ҚР Үкіметінің №64 қаулысына сәйкес қаражат қаралып, киім-кешекпен қамтылатын болады. Қалған оқушыларымызды киіндіру, мектеп құралдарымен қамтамасыз ету акция барысында іске асатын болады. Бүгінгі күнге дейін 34 оқушыға 557 000-ға көмек көрсетілді.

      Ауданда жалпы білім беру мекемелерінің саны-127, оның ішінде 68 мектеп (оның екеуі жекеменшік) 54 балабақша, 5 мектептен тыс мекеме. 68 мектептің 67-і автономды жылыту жүйесімен, 1-і жай пешпен жылытылады. 23 мектеп көмірмен, 45 мектеп көгілдір отын пайдаланады.

       А.Садықованың хабарламасы тыңдалып болған соң, жиын сұрақ-жауап форматына көшті.    

       Кеңестің комиссия төрағасы С.Ахтаев отырыста қаралған мәселелердің орындалуы, жұмыстардың атқарылу барысы комиссиялық түрде танысып, зерделенетін болатындығын жеткізді.

       Кеңес төрағасы Б.Оралбеков отырысты қорытындылай келе, оқу маусымы жақындағанына байланысты барлық жұмыстар талапқа сай болу қажеттілігін және қоғамдық кеңестер апталығы тұжырымдаманың талаптарына сәйкес өткізіліп жатқандандығын атап өтті.

 

 

#QQWeek

#HalyqApta