Паввлодар ауданының Заря ауылдық округінде жер учаскелеріне мониторинг жүргізу

Павлодар ауданы Қоғамдық кеңесінің төрағасы Б. Т. Баткеев Заря ауылдық округіне барып, жеке тұрғын үй құрылысына жер учаскелерінің бөлінуіне мониторинг жүргізді.

Осы жылдың басынан бастап ЖТҚ – ға 18 учаске жеке меншікке және 11 учаске жалға берілді.  Округте барлығы 187 жер учаскесі бөлінген, оның                    102-сі Заря ауылында және 85-і Бірлік ауылында.  149 учаскеге инженерлік-коммуникациялық инфрақұрылым, 38 учаскеге әзірге ресімдеу сатысында.

Бүгінгі таңда округ аумағында 82 бос учаске бар. Алу үшін кезекте 45 адам тұр.

Мониторинг барысында Б. Т. Баткеев жер учаскелерінің картасы қолжетімді жерде емес екенін және ҚР Жер кодексі талап ететіндей бос учаскелердің болуы туралы толық ақпаратты көрсетпейтінін атап өтті

Сапар барысында Қоғамдық кеңес төрағасы Жертұмсық ауылындағы клубтың жұмысымен танысты. Клубта шағын кітапхана бар, балалар жұмысының бұрышы бар, атап айтқанда балалар суреттері орналастырылған.  

Сондай-ақ, клубта LED экраны бар, ол арқылы балалар мен ересектерге арналған фильм көрсетіледі. (фильмдердің кестесі мен репертуары жоқ)

Клубта сумен жабдықтау және кәріз жүйесі жоқ, сәйкесінше ванна бөлмелері жоқ. Клуб ерекше қажеттіліктері бар адамдарға баруға бейімделмеген.

Клубта жұмыс тәртібі жоқ және тұрғындар үшін клубтың ағымдағы жылға арналған жұмыс жоспары ілінбеген

Клубтың іргелес аумағы абаттандырылмаған, екі жыл бұрын отырғызылған қарағайлар күтімнің, суарудың жеткіліксіздігіне байланысты,  көпшілігі кеуіп қалған. Қосымша 10-нан астам қарағай отырғызылды, бірақ оны өсіп жетуі үшін үнемі суару мен күтім қажет . 2023 жылы "Елім" экологиялық тобының балалары отырғызған 75 қарағай көшетінің 20-сы ғана қалды.

Фото

Previous Next