Қобда аудандық Қоғамдық Кеңестің кезекті отырысы өткізілді.

2025 жылғы 31 қазан күні Қоғамдық кеңестің кезекті отырысы өтті. Күн тәртібінде үш негізгі мәселе қаралды:

1.Аудан бойынша мектептердің білім сапасын және тәрбие жұмысының деңгейін көтеру бағыттарында атқарылып жатқан жұмыстар, сондай-ақ буллингтің алдын алу шаралары туралы Баяндамашы: Құдайбергенов Руфат Маратұлы – аудандық білім бөлімінің басшысының м.а. Баяндамашы білім сапасын арттыру, оқушылардың тәрбие деңгейін көтеру, ұстаздардың кәсіби біліктілігін жетілдіру бағытындағы шаралар туралы ақпарат берді. Сонымен қатар, мектептерде буллингтің алдын алу, психологиялық қызметтің жұмысын күшейту және ата-аналармен өзара байланыс орнату мәселелері талқыланды.

2.Жер кодексіндегі өзгерістер мен пайдаланылмай жатқан жерлерді мемлекет меншігіне қайтару бағытындағы атқарылып жатқан жұмыстар туралы Баяндамашы: Сарманов Жомарт Әбенұлы – аудандық жер қатынастары бөлімінің басшысы. Баяндамашы аудан аумағындағы пайдаланылмай жатқан жер телімдерін анықтау,  заң аясында мемлекет меншігіне қайтару бойынша жүргізіліп жатқан жұмыстарды баяндады.

3. Ана мен бала денсаулығын қорғау, міндетті әлеуметтік медициналық сақтандыру жүйесінің жүзеге асырылу барысы мен нәтижелері, есепте тұрған азаматтарға тегін берілетін дәрі-дәрмектер және аудандық аурухананың қызмет сапасы туралы Баяндамашы: Досаев Руслан Өзбекұлы – аудандық аурухананың бас дәрігері. Баяндамашы аудандағы медициналық қызметтің қолжетімділігі, алғашқы медициналық көмектің сапасы, ана мен бала денсаулығын сақтау шаралары және әлеуметтік жағынан аз қамтылған азаматтарға тегін дәрілік көмек көрсету бағытындағы жұмыстар туралы баяндады. Күн тәртібіндегі баяндамалар тыңдалып, талқыланды. Кеңес мүшелері көтерілген мәселелер бойынша өз ұсыныстары мен пікірлерін білдірді. Отырыстың қорытындысы бойынша тиісті ұсынымдар қабылданып, атқарушы органдарға орындалу барысын бақылауға алу тапсырылды.

Фото

Previous Next