Сәтбаев қалалық қоғамдық кеңесінің кезекті отырысы

2025 жылдың 17 қыркүйегінде өткен Сәтбаев қалалық қоғамдық кеңесінің кезекті отырысында «Сәтбаев қаласының білім бөлімі» ММ мемлекеттік қызмет көрсету сапасы туралы және  Сәтбаев қалалық мәслихатының 2024 жылғы  25 желтоқсандағы № 166  «2025-2027 жылдарға арналған қалалық бюджет туралы» шешіміне өзгерістер енгізу» мәселелері қаралды. Бірінші мәселе бойынша «Сәтбаев қаласының білім бөлімі» ММ басшысының м.а. Г.Игілікованың ақпараты тыңдалды. Бөліммен а.ж. 8 айында 23 мемлекеттік қызмет түрі бойынша барлығы 4685 қызмет көрсетілген.Қала тұрғындарына ыңғайлы болу үшін өзіне-өзі қызмет көрсету бұрыштары мен мүмкіндігі шектеулі жандарға арнайы жағдайлар жасалған. Кеңес мүшелері мектепке дейінгі ұйымдарға қабылдау және кезекке қою жүейсін жетілдіру туралы және ата-аналарға  қолжетімді ақпараттандыру жұмыстарын күшейту туралы пікірлерін білдірді. Күн тәртібінің келесі мәселесі «2025-2027 жылдарға арналған қалалық бюджет шешіміне өзгерістер енгізу жобасын «Сәтбаев қаласының экономика және қаржы бөлімі» ММ басшысы С.М.Симанов таныстырды. Қарау қорытындысы бойынша Қоғамдық кеңес мүшелерімен ұсынымдар қабылданып, құжат  пысықтауға жіберілді. Отырысқа қала әкімінің орынбасарлары және мемлекеттік мекемелер басшылары қатысты.

Фото

Previous Next