Қазкеңес жаңалықтары

«Әділетті Қазақстан: азаматтық қоғам мен мемлекет ынтымақтастығы» тақырыбымен Қазақстанның XII Азаматтық форумы өтті.

Ағымдағы жылдың 5–16 қазан күндері Астана қаласында «Әділетті Қазақстан: азаматтық қоғам мен мемлекет ынтымақтастығы» тақырыбымен Қазақстанның XII Азаматтық форумы өтті.
Бұл жиынға Батыс Қазақстан облысынан барлық аудандық, қалалық және облыстық қоғамдық кеңес төрағалары алғаш рет шақырылып отыр. Тасқала аудандық қоғамдық кеңесінің төрағасы Г.Турганалиев те қатысып келді.
Үш жылда бір өтетін бұл мәжілісте өзге өңірлермен тығыз байланыс орнатып, тәжірибе алмасып қана қоймай, сонымен қатар дамудың жаңа бағыттарын айқындап, өзекті мәселелерді талқылауға мүмкіндік алды.
Мәжілісте Қазақстан Республикасының Мәдениет және ақпарат министрі Аида Ғалымқызы Балаева сөз сөйледі. Атап айтқанда, қоғамдық кеңестердің 10 жылдық даму кезеңін қорытындылап, олардың қоғам мен билік арасындағы ашық диалог орнатудағы маңызды рөлін атап өтті.
Министр өз сөзінде: «Қоғамдық кеңестер – халық пен билік арасындағы конструктивті диалог алаңы. Азаматтардың мәселесін естіп, оны билікпен бірге шешу – басты міндет», – деді Аида Балаева.
Сонымен қатар, қоғамдық кеңестердің консультативтік органнан азаматтық бақылаудың нақты құралына айналғанын және негізгі жұмыстары үкіметтік емес ұйымдардың қызметі туралы да айтып өтті.
Бұл алқалы жиын қоғамдық кеңестердің жаңа даму кезеңіне аяқ басқанын айқындап, елдегі азаматтық қоғамның нығаюына серпін береді.

Фото