Қоғамдық кеңес хатшылары: құжаттан – қоғамға

17 қыркүйекте қоғамдық кеңестер хатшыларына арналған семинар өтті. Семинарға Қазақстан Республикасының Оқу-ағарту министрлігі қатысты.

Семинардың басты мақсаты – хатшылардың кәсіби және жеке құзыреттерін арттыру, олардың жұмысын қоғамның сұранысына бағыттау болды. Кездесу барысында тек ұйымдастырушылық мәселелер ғана емес, сонымен қатар психологиялық қырлар да талқыланды: коммуникация мәдениеті, тыңдай білу дағдылары, жанжал жағдайларын басқару және эмоционалдық интеллектіні дамыту.

Қатысушылар хатшылардың мемлекеттік органдар мен азаматтар арасындағы сенімді байланыс орнатудағы маңызды рөлін атап өтті. Мұндай кездесулер тәжірибе алмасуға, сондай-ақ хатшының жаңа бейнесін – тек құжат жүргізуші емес, қоғам мен билік арасындағы ашық диалогтың белсенді қатысушысы ретіндегі рөлін қалыптастыруға ықпал етеді.

Фото

Previous Next