КЕЗЕКТІ ОТЫРЫС БОЛЫП ӨТТІ

9 қазанда аудан әкімі аппаратының кіші мәжіліс залында Ақтоғай ауданы Қоғамдық кеңесінің кезекті отырысы болып өтті.

Қоғамдық кеңестің отырысына аудан әкімінің орынбасары Саяуш Садвақасов, аудандық мәслихат төрағасы Жанат Ташенев, аудан әкімі аппаратының басшысы  Беслан Ұюқбаев қатысты. Сонымен қатар Қоғамдық кеңес отырысына мемлекеттік қызмет көрсетуші ауданның мемлекеттік органдары мен ауылдық округтер әкімдері ZOOM платформасы арқылы қатысты.

Қоғамдық кеңес отырысында  «Аудандық мәдениет, денешынықтыру және спорт бөлімі басшысының Қазақстан Республикасының «Мәдениет туралы» Заңының талаптарын  орындау және мәдени ошақтарды тиімді пайдалану жөніндегі 2025 жылдың 9 айының қорытындысы бойынша есебі»,  «Әлеуметтік-мәдени нысандардың жылыту маусымына дайындығы туралы» және «Мемлекеттік қызмет көрсету бойынша ауданның мемлекеттік органдарының 2024 жылы атқарған  жұмыстары туралы» мәселелер қаралды.  

Күн тәртібіндегі бірінші мәселе бойынша аудандық мәдениет, денешынықтыру және спорт бөлімінің басшысы Нұрбол Мұқитов баяндады.

Аудандағы  әлеуметтік-мәдени нысандардың жылыту маусымына дайындығы туралы экономиканың нақты секторы бөлімі басшысының міндетін атқарушы Самат Секенов ақпарат берді.

«Ауданның мемлекеттік органдарының мемлекеттік қызмет көрсету бойынша 2024 жылы атқарған жұмысы туралы» аудан әкімі аппаратының басшысы Беслан Ұюқбаев баяндама жасады.

Қаралған мәселелер бойынша Қоғамдық кеңес тиісті ұсыныстар қабылдады.

Шайахмет САДУАҚАСОВ, Қоғамдық кеңес хатшысы

Фото

Previous Next