Қазкеңес жаңалықтары
KazKENES жаңалықтары10 қазан 2025 жылы аудандық қоғамдық кеңес отырысы өтті.
10 қазан 2025 жылы аудандық қоғамдық кеңес отырысы өтті.
Күн тәртібінде қаралған мәселелер:
1. Ауданның «Мәдениет,тілдерді дамыту, дене шынықтыру және спорт бөлімі» мемлекеттік мекемесінің 2025 жылдың 9 айында аудан бойынша атқарған, алда атқарылатын жұмыстары жайлы бөлім басшысы Т.Тәтібаевтың есебі.
2. Аудандық кітапхана жұмысы жайлы директор Ахметова Индира Алиқызының есебі.
4. Аудандық мәдениет үйінің директоры Нұрбайұлы Еркебұланның есебі.
5. Ауданның Мәдениет,тілдерді дамыту, дене шынықтыру және спорт бөлімі мемлекеттік мекемесі арқылы аудан тұрғындарына мемлекеттік көрсетілетін қызметтер және оның сапасын арттыруда атқарып жатқан жұмыстары туралы есебі.
6. Кеген ауданы бойынша мектептердің жаңа 2025-2026 оқу жылына даярлығы жайлы «Білім бөлімі» мемлекеттік мекемесінің басшысы М.Масимхановтың есебі.
7. Кеген ауданының «Кәсіпкерлік бөлімі» мемлекеттік мекемесінің аудан көлемінде шағын және орта бизнесті дамытуда 2024 жылы атқарған, 2025 жылы атқарып жатқан жұмыстары туралы бөлім басшысы А.Оспановтың есебі.
8. Қазақстан Республикасы Жер кодексінің 43-1 бабына сәйкес шаруа немесе фермер қожалығын немесе ауыл шаруашылығы өндірісін жүргізу үшін ауыл шаруашылығы мақсатындағы жер учаскелерін уақытша өтеулі жер пайдалану (жалға алу) құқығын беру бойынша конкурсқа ұсынылатын жер учаскелерінің тізбесіне қорытынды беру жайлы аудандық «Жер қатынастары бөлімі» мемлекеттік мекемесінің хаты.
9. Ауданның «Тұрғын үй коммуналдық шаруашылығы және тұрғын үй инспекциясы бөлімі» мемлекеттік мекемесінің басшысы Б.Абдыманаповтың аудан елді мекендерінде 2023-2025 жылдары салынған Балалар ойын алаңдарының жағдайы туралы хабарламасы.
Күн тәртібіндегі бірінші мәселе бойынша:
Ауданның «Мәдениет,тілдерді дамыту, дене шынықтыру және спорт бөлімі» мемлекеттік мекемесінің 2025 жылдың 9 айында аудан бойынша атқарған, алда атқарылатын жұмыстары жайлы бөлім басшысы Т.Тәтібаевтың есеп берді.
Ауданның қоғамдық кеңесі ШЕШІМ ҚАБЫЛДАДЫ:
Бөлім басшысының есебі еске алынды. Жіберілген кемшіліктер жайлы айтылған ұсыныс пікірлерден тиісті қорытынды шығару, құрылыс жүріп жатқан объектілердің сапалы жасалуын қатаң бақылау, бөлімге қарасты мекемелердің жұмысына бақылау- басшылық жасау, бөлінген бюджет қаржысының тиімді жұмсалуын қадағалау бөлім басшысы Т.Тәтібаевқа ұсынылды.
Күн тәртібіндегі екінші мәселе бойынша:
Аудандық кітапхана жұмысы жайлы кітапхана директоры И.А.Ахметова есеп берді.
Ауданның қоғамдық кеңесі ШЕШІМ ҚАБЫЛДАДЫ:
1.Аудандық кітапхана жұмысы жайлы кітапхана директоры И.Ахметованың есебі еске алынды.Айтылған ұсыныс –пікірлерді ескеру, кітапхана жұмысын заман талабына сай ұйымдастыру директор И.Ахметоваға ұсынылды.
Күн тәртібіндегі үшінші мәселе бойынша:
Аудандық мәдениет үйінің атқарып жатқан жұмыстары жайлы директоры Е. Нұрбайұлы есеп берді.
Ауданның қоғамдық кеңесі ШЕШІМ ҚАБЫЛДАДЫ:
Мекеме директоры Е.Нұрбайұлының есебі еске алынды. Бюджет қаржысын тиімді пайдалану,мекеме есепшісінің жұмысын қадағалау ұсынылды.
Күн тәртібіндегі төртінші мәселе бойынша:
Ауданның Мәдениет,тілдерді дамыту, дене шынықтыру және спорт бөлімі мемлекеттік мекемесі арқылы аудан тұрғындарына мемлекеттік көрсетілетін қызметтер және оның сапасын арттыруда атқарып жатқан жұмыстары туралы бөлім басшысы Т.Тәтібаев есеп берді.
Ауданның қоғамдық кеңесі ШЕШІМ ҚАБЫЛДАДЫ:
Бөлім басшысы Т.Тәтібаевтың есебі еске алынды. Бекітілген медиа жоспарды орындау ұсынылды.
Күн тәртібіндегі бесінші мәселе бойынша:
Кеген ауданы бойынша мектептердің жаңа 2025-2026 оқу жылына даярлығы жайлы «Білім бөлімі» мемлекеттік мекемесінің басшысы М.Қ.Масимханов есеп берді.
Ауданның қоғамдық кеңесі ШЕШІМ ҚАБЫЛДАДЫ:
«Білім бөлімі» мемлекеттік мекемесінің басшысы Масимхановтың есебі еске алынды.
Күрделі және ағымдағы жөндеуден өткен мектептердегі кемшіліктерді шұғыл түрде қалпына келтіру жұмысын ұйымдастыру, бас есепшінің жұмысын бақылау бөлім басшысы М.Масимхановқа ұсынылды.
Күн тәртібіндегі алтыншы мәселе бойынша:
Кеген ауданының «Кәсіпкерлік бөлімі» мемлекеттік мекемесінің аудан көлемінде шағын және орта бизнесті дамытуда 2024 жылы атқарған, 2025 жылы атқарып жатқан жұмыстары туралы бөлім басшысы А.Оспанов есер берді.
Ауданның қоғамдық кеңесі ШЕШІМ ҚАБЫЛДАДЫ:
Бөлім басшысы А.Оспановтың есебі еске алынды. Ауданда үзіліссіз еңбек етіп, өнім өндіріп жатқан кәсіпкерлерді қолдау, мем лекеттік грант ұтып алуларына ықпал ету ұсынылды.
Күн тәртібіндегі жетінші мәселе бойынша:
Қазақстан Республикасы Жер кодексінің 43-1 бабына сәйкес шаруа немесе фермер қожалығын немесе ауыл шаруашылығы өндірісін жүргізу үшін ауыл шаруашылығы мақсатындағы жер учаскелерін уақытша өтеулі жер пайдалану (жалға алу) құқығын беру бойынша конкурсқа ұсынылатын жер учаскелерінің тізбесімен аудандық «Жер қатынастары бөлімі» мемлекеттік мекемесінің басшысы Б.Чалгинбеков таныстырды.
Ауданның қоғамдық кеңесі ШЕШІМ ҚАБЫЛДАДЫ:
Конкурсқа ұсынылатын жер учаскелерінің тізбесіне уәжді негіздемесі бар қорытынды берілді.
Күн тәртібіндегі сегізінші мәселе бойынша:
Ауданның «Тұрғын үй коммуналдық шаруашылығы және тұрғын үй инспекциясы бөлімі» мемлекеттік мекемесінің аудан елді мекендерінде 2023-2025 жылдары салынған Балалар ойын алаңдары жайлы бөлім басшысы Б.Абдыманапов хабарлама жасады.
Ауданның қоғамдық кеңесі ШЕШІМ ҚАБЫЛДАДЫ:
Ауданның елді мекендерінде 2024 жылы сапасыз салынып, құрылысы шала күйінде қалған Балалар ойын алаңдарының жұмысын аяқтау үшін мердігерге шыққан сот ұкімі сот орындаушы тарапынан орындалмай отырғандықтан әділет департаментіне хат жолдау бөлім басшысы Б.Абдыманаповке ұсынылды.
Фото
