СУ АЙДЫНДАРЫНДАҒЫ ҚАУІПСІЗДІКТІ ҚАМТАМАСЫЗ ЕТУ

---

Түркістан облысы Қоғамдық кеңесінің ұйымдастыруымен «Балалар жылы» аясында 2022 жылғы 1-5 тамыз аралығында облысы аумағындағы су айдындарында судағы қауіпсіздікті қамтамасыз ету жөніндегі іс-шаралар өткізілді.

Қоғамдық кеңес мүшелері және Түркістан облысы Төтенше жағдайлар департаментінің қызметкерлері балаларға арналған шомылу орындары мен су айдындары жағалауларында болып, ондағы  балалар мен олардың ата-аналарымен кездесіп, қауіпсіздік шаралары туралы профилактикалық әңгімелесулер жүргізді. Сонымен қатар, 427 адамға қауіпсіздік шаралары жөніндегі нақты нұсқауларды қамтитын жаднамалар мен үгіт-насихат материалдары таратылды.

Жұмыс барысында заңдылық пен кәмелетке толмағандардың конституциялық құқықтарын сақтау қамтамасыз етілді.

#QQWeek

#HalyqApta