"Ауыл аманаты" бағдарламасы

Ерейментау ауданының әкімі Нұрлан Мұқатовтың жетекшілігімен, агрокәсіптік сала өкілдерімен жиналыс өтті. Жиналысқа Қоғамдық кеңестің төрағасы Маңдаев Нұртас Боранбайұлы қатысты.

Ерейментау ауданының әкімі Нұрлан Мұқатов ауыл шаруашылығын дамытуға бағытталған мемлекеттік қолдау шаралары туралы баяндады. Әкімнің айтуынша, қазіргі таңда елімізде ауыл тұрғындарын жұмыспен қамтып, олардың табысын арттыру мақсатында «Ауыл аманаты» бағдарламасы іске асырылуда. Бұл бағдарлама аясында тұрғындарға жылдық 2,5% мөлшерлемемен жеңілдетілген несие беру қарастырылған. Аталған бағдарлама ауыл шаруашылығы бағытындағы жобаларды қаржыландыруға, атап айтқанда мал және егін шаруашылығын өркендетуге бағытталған.

Сонымен қатар, мемлекет ауыл шаруашылығы өнімін өндірушілерге қолдау көрсету мақсатында айналым қаражатын толықтыру үшін жылдық 5% мөлшерлемемен де жеңілдетілген несие ұсынып отыр. Бұл тетік шаруаларға көктемгі егіс, егін жинау, техника мен жабдықтар сатып алу сияқты маңызды науқандық жұмыстарды дер кезінде атқаруға мүмкіндік береді.

Нұрлан Мұқатов өз сөзінде мемлекет тарапынан ауыл шаруашылығымен айналысатын азаматтарға осындай нақты қолдау көрсетіліп жатқанын атап өтті. Сонымен қатар, ол бұл салада еңбек етіп жатқан азаматтар тек өз кәсібін дөңгелетіп қана қоймай, әлеуметтік жауапкершілікті де сезініп, ауыл тұрғындарына, әсіресе аз қамтылған және мұқтаж отбасыларға қолдау көрсетуі тиіс екенін тілге тиек етті

Фото

Previous Next