Қазкеңес жаңалықтары
KazKENES жаңалықтарыЗайсан аудандық қоғамдық кеңестің кезектен тыс отырысы болып өтті.
4 қыркүйек 2025 жылы аудандық Қоғамдық кеңесінің қарауына келіп түскен нормативтік құқықтық актілердің жобаларын қарау мерзімін сақтау мақсатында кеңестің кезектен тыс отырысы өткізілді.Кеңес отырысына 15 Қоғамдық кеңес мүшелерінің 12 мүшесі қатысты. Кеңес отырысына аудан әкімі А.Ахметсәлімқызы , аудандық Достық газетінің редакторы Н.Илиясқызы қатысты.
Күн тәртібіндегі бірінші мәселе «Зайсан аудандық мәслихатының 2024 жылғы 25 желтоқсандағы « 2025-2027 жылдарға арналған Зайсан ауданының бюджеті туралы № 30/2-Ү111 шешіміне өзгерістер енгізу туралы» аудандық мәслихаттың шешім жобасыбойынша аудандық экономика және қаржы бөлімінің басшысы Ғ.Қожекенова хабарлама жасады. Аудан бюджеті 939 млн 114 мың теңгеге артып оның 797 млн 210 мың теңгесінің халықты тұрғын үймен қамтамасыз етуге, 11 млн 904 мың теңгесі мүгедек адамдарға арнайы құралдар алуға, 130 млн теңге елді мекендерге мал қорымдарын салуға, 6млн 321 мың теңгесі Үйдену суару жүйесінің ішкі шаруашылық каналдарын салуға жобалық құжаттар жасауға бөлініп отырғанын кеңес мүшелері бірауыздан мақұлдап, аудан әкімдігінің бюджетті молайтудағы жақсы жұмысын атап өтті.
Кеңес отырысында күн тәртібіндегі екінші үшінші мәселелер «Зайсан аудандық мәслихатының кейбір шешімдерін күші жойылды деп тану» және «Зайсан ауданы бойынша тұрғын үй сертификатарының мөлшері және оларды алушылар санаттарының тізбесін айқындау туралы» аудандық мәслихаттың шешім жобаларын қарап, талқыланып мақұлданды.
Отырыста Аудандық Қоғамдық кеңеске келіп түскен Көгедай ауылының тұрғындарының жер мәселесі туралы өтініші қаралып, өтініш бойынша ауыл тұрғындарымен осы мәселеге байланысты адамдарды қатыстыра отырып жиын өткізу келісілді.
Сыбайлас жемқорлықтың алдын алуда мемлекеттік мекемелердің мемлекеттік қызмет көрсетуде атқарып жатқан жұмыстарына мониторинг жүргізіліп, Қоғамдық кеңес отырыстарында қарап отыру маңызды шара болып табылады.Осыған байланысты осы отырыста «Зайсан аудандық мәдениет , тілдерді дамыту, дене шынықтыру және спорт бөлімімен көрсетілетін мемлекеттік қызметтер туралы» мәселе қаралып, бөлім басшысының міндетін атқарушы Қ.С. Ахметжановаға мемлекеттік қызмет көрсетуде жариялылықты жақсарту ұсынылды.
Аудандық Қоғамдық кеңес қабылдаған шешімдерінің орындалуын үнемі назар аударып отырады. Алдыңғы Қоғамдық кеңестің кезекті отырысында аудандық білім бөлімінің оқушылардың жазғы демалысын ұйымдастыру жөнінде мәселе қаралып шешім қабылданған болатын. Осы отырыста осы шешімнің орындалуына қайта оралып және мәселені дайындау кезінде білім нысандарының қысқа дайындығы қоса қаралғандықтан кеңес мүшелерінің ұсынысымен «Оқушылардың жазғы демалысын ұйымдастару жұмыстарының қортындысы және білім бері нысандарының қысқа дайындығы туралы» мәселе бойынша аудандық білім бөлімінің басшысы М.Мұратқызының хабарламасы тыңдалды.
Осы мәселе бойынша сөз алған Қ.Сайранов оқушылардың жазғы демалысын ұйымдастыруда және білім нысандарын қыс маусымына дайындауда аудандық білім бөлімінің жұмысы қанағаттанғысыз екендігін айтып өтті. Облыстық білім бөлімініңбалалардың жазғы демалысына бөліп отырған қаражаты кейбір басқа аудандарға қарағанда мардымсыз екендігін, ауданда «Бәйтерек» сауықтыру орталығының бола отырып, балаларды дем алдыруға басқа аудандарға жіберетінін айтып жаңадан жұмысқа кіріскен білім бөлім басшысы М.Мұратқызына келешек осындай өрескел кемшіліктерді болдырмауды ұсынды. Сондай ақ мектептерді көмірмен қамтамасыз ету жағдайы алаңдатарлық жағдайда екендігін, тез арада шұғыл шаралар қолдануды ұсынды. Осы мәселені дайындау барысында мектептерге барып жағдайларымен танысып қайтқан Б.Бейсенбаев, М.Төлепбергенов тағы басқа кеңес мүшелері аудандық білім бөлімі басшысына өздері көрген кемшіліктерді айтып оларды жою жөнінде жұмыс жасауды ұсынды. Қоғамдық кеңес мүшесі М.Бошақов мерекелерде аудандық ішкі саясат тарапынан жыл сайын тек белгілі бір мұғалімдер марапатталатынын айтып, бұрын жұмыс істеген ардагар ұстаздардың елеусіз қалып жататынын, осындай жағдай қарттар күні де орын алатынын айтып өтті.
Отырысты аудандық Қоғамдық кеңес төрағасы М.Уәли қортындылап Мүкарама атындағы мектептің жыл сайын қыстама кезінде қатты аязды күндері мектеп бөлмелерінің салқындап кететінін айтып осының себебін анықтап жою мақсатында арнайы комиссия шығаруды ұсынды. Білім бөлімінің жұмысында кемшіліктер көбейіп кеткенін, білім саласы және коммуналдық қызмет саласы бойынша жауапты аудан әкімінің орынбасарларының жеткіліксіз жұмыс істеп кеткендерін айтып, Қоғамдық кеңес мүшесі Қ.Сайрановтың білім бөлімінің жұмысы қанғаттанғысыз деген ұсынысын дауысқа қойды. Қоғамдық кеңес мүшелері ұсынысты қолдап, жақында жұмысқа кіріскен білім бөлімінің басшысы М.Мұратқызына білім саласындағы орын алып отырған кемшіліктерді жойып, алдағы уақытта оларды болдырмау жөнінде шұғыл шаралар қабылдауды ұсынды. Әсіресе мектептерді көмірмен қамтамасыз етуді басты назарға алуды ұсынды.
Қоғамдық кеңестің баспасөз хатшылығы.
Фото
