Тұрмыстық қалдықтарды басқарудың облыстық бағдарламасын іске асыру туралы

Б.Демеуовтің төрағалығымен өткен Облыстық қоғамдық кеңестің отырысында өңірдегі қалдықтарды басқару жүйесіндегі өзекті мәселелер (тұрмыстық қалдықтарды басқарудың облыстық бағдарламасын іске асыру) қаралды. Отырысқа облыстық мәслихаттың төрағасы И.Теренченко қатысты. Жер қойнауын пайдалану, қоршаған орта және су ресурстары басқармасының басшысы С.Төлеутаев, санитарлық-эпидемиологиялық бақылау департаменті басшысының орынбасары Г.Ақылбекова, экология департаментінің инспекция бөлімінің басшысы Ж.Каримов атқарылып жатқан жұмыстар туралы баяндап, қоғамдық кеңес мүшелерінің сұрақтарына жауап берді. Сондай-ақ, «Экосервис-ПВ» ЖШС басшысы А.Албаков пен «ЭкоАлем-ПВ» ЖШС өкілі С.Мустафиннің баяндамалары тыңдалды. Қоғамдық кеңес мүшелері Б.Бексеитова, А.Касицын, Ч.Кусегенов, Б.Куспеков, Д.Корепанов, М.Стрелковская, З.Сальменбаев, М.Регатунова мәселені талқылауға белсене қатысып, жұмысты жақсарту бойынша өз ұсыныстарын білдірді. Отырыс қорытындысы бойынша қоғамдық кеңес қалалар мен аудандардың әкімдіктеріне бірқатар ұсыныстар берді.

Фото

Previous Next