Қоғам мен билік арасындағы көпір – Қоғамдық кеңес

Қоғам мен билік арасындағы көпір – Қоғамдық кеңес

Бүгінде Қоғамдық кеңестер ел ішінде өзекті мәселелердің ашық талқыланып, шешілуіне ықпал ететін маңызды қоғамдық институтқа айналды. Биліктің бір тармағы іспетті бұл құрылым – халық пен атқарушы билік арасындағы сенімді байланыс көпірі.

Осы орайда, бүгін Қобда ауданына облыстық Қоғамдық кеңестің мүшелері арнайы іссапармен келіп, ауданымыздағы бірқатар әлеуметтік нысандарды аралады. Жұмыс сапары аясында жергілікті тұрғындармен кездесу ұйымдастырылып, көтерілген мәселелер мен ұсыныстар назарға алынды.

Кездесу барысында инфрақұрылым, әлеуметтік қамту, білім беру, жол және өзге де саладағы түйткілдер сөз болып, қоғамдық кеңес мүшелері оларды шешу бойынша өз ұсыныстарын жеткізді.

Кездесуге қатысқан Байғазин Кенжеғазы Жаңабайұлы – облыстық қоғамдық кеңестің әлеуметтік саласы бойынша комиссиясының төрағасы ретінде әлеуметтік мәселелерді шешудегі басым бағыттар жөнінде баяндама жасады.

Сонымен қатар, облыстық қоғамдық кеңес мүшелері:
• Бітік Исламғали Құбайдоллаұлы,
• Жалғасбаев Нұрбек Жәнібекұлы,
• Уббиниязов Ерәділ Жиенбайұлы,
• Абилов Нұрболат Мұрадымұлы

өз салаларына қатысты маңызды ұсыныстар мен пікірлерін ортаға салды.

Бұл бастама – ашық қоғам қалыптастыруға, халықтың үнін естуге бағытталған маңызды қадам.

Фото

Previous Next