Қазкеңес жаңалықтары

Қоғамдық бақылау – сапалы қызмет кепілі!

 

Бүгін Шымкент қаласының Қоғамдық кеңес мүшелері А.Асқаров атындағы дендросаябаққа арнайы барып, мониторинг жұмыстарын жүргізді.

🔎 Бақылау барысында саябақтағы абаттандыру жұмыстары, жасыл желектің күтімі, тазалық деңгейі және тұрғындарға қолайлы жағдай жасау мәселелері қаралды.

📌 Қоғамдық кеңес мүшелері саябақты аралап, ондағы инфрақұрылым жағдайымен танысты. Қоғамдық кеңес азаматтардың демалыс аймағы ретінде кеңінен пайдаланатын бұл орынның үнемі бақылауда болуын маңызды санайды.

🔎 Мониторинг жұмыстарына қалалық жайлы ортаны дамыту басқармасының басшысы Ә.Оңғар мен дендросаябақ директоры Е.Достияров қатысты. Бақылау барысында олар саябақта атқарылып жатқан бірқатар жұмыстармен бөлісті.

🏗️ Қала әкімінің қолдауымен соңғы жылдары саябақта маңызды жобалар жүзеге асырылды. 2025 жылы демеушілердің көмегімен келесі жаңа нысандар бой көтерді:

• Балаларға арналған заманауи ойын алаңшасы;

• Жастар мен ересектерге арналған спорт алаңшасы;

• Ерекше күтімді қажет ететін балаларға арналған инклюзивті алаңша.

🎯 Бұл алаңшалар балалардың денсаулығын нығайтуға, салауатты өмір салтын насихаттауға және қоғамдық белсенділікті арттыруға септігін тигізеді.

📚 Сонымен қатар, серуендеушілерге ыңғайлы болу үшін шахматшылар үйі мен кітапхана құрылысы жүргізілуде. Бұл нысандар мәдени және танымдық іс-шаралар өткізуге қолайлы болады.

🚣‍♂️ Ал 3 гектар көлде іске қосылған катамаран қызметі саябақтың тартымдылығын арттырып, демалушылардың қызығушылығын тудыруда.

📌 Жалпы аумағы 117 гектарды құрайтын бұл саябақ — Орта Азиядағы ірі дендрологиялық саябақтардың бірі. Табиғат байлығын сақтау және дамыту — барша қала тұрғындарының ортақ міндеті. Суару жүйелерін тиімді іске қосу — жасыл желекті сақтап қалудың маңызды тетігі.

✅ Қоғамдық кеңес мүшелері саябақтың қазіргі дамуына оң баға беріп, алдағы кезеңде жасалуы тиіс ұсыныстарын да білдірді.

⠀

🔔 Кеңес мүшелері саябақтың абаттандырылуына, қураған ағаштардың тұрақты суарылуына, жалпы күтім жұмыстарына қала тұрғындары болып бірге атсалысуға шақырды. Осы мақсатта сенбілік ұйымдастыруды ұсынды.

Фото