Абаттандыру жұмыстарын бақылау

31 шілдеде қалалық қоғамдық кеңес мүшесі Қ.Тоқтыбаев, мәслихат төрағасы Қ.Балмағамбетов, депутаттар А.Мулақов, Б.Сейтжапбаров бірқатар нысандарды аралап, олардағы жұмыс барысын бақылады.

Кеншілер алаңындағы жазғы сахнаны жөндеу жұмыстарының аяқталу мерзімі  келісімшарт бойынша тамыз айының соңына жоспарланған, алайда мониторинг барысында анықталғандай, жұмыс кестесінен едәуір ауытқушылық бар. Мердігер мұны құрылыс материалдарының кешіктіріліп жеткізілуімен түсіндіріп, объектіні  уақытылы тапсыру үшін  ауысымдар санының арттырылғандығын және жұмыс сапасына бақылау күшейтілілетіндігін  жеткізді. Бақылаушылар сонымен қатар еңбек қауіпсіздігі ережелерін сақтау жөнінде ескертулер айтты.  

Мониторингтік топ одан әрі  Абай аллеясындағы шағын архитектуралық формаларды ағымдағы жөндеу жұмыстарының барысымен танысты. Мұнда «Паналы» ҚБ шағын архитектуралық формаларды және орындықтарды шаңнан тазарту, әрлеу-сырлау, қираған бөліктерін жөндеп қалпына келтіру, сонымен қатар  жасанды гүлдерді ауыстыру  жұмыстарын жүргізуде.

Биылғы жылы қалада орнатылатын ойын алаңдарының Тәуелсіздік даңғылы, 7/1, Шаталюк көшесі, 38а, Ерден көшесі, 207, Сәтбаев даңғылы, 148 мекен-жайлары бойынша сатып алу конкурсын «Күншуақ 2024» ҚБ ұтып алған.  Мердігер ұйым қазіргі таңда ескі  алаңдарды демонтаждап, құйып тегістеуді аяқтаған, келесі кезекте жаңа  элементтер орнатылып, тартан жабындысы төселеді. Тексеруші топ алаңдарды құрылыс материалдарынан тазартып, жан-жағын тегістеу жөнінде ескертулер берді. Ойын алаңдарын орнату жұмыстары тамыз айының 20на дейін толық аяқтауы тиіс.

Фото

Previous Next