Қоғамдық кеңестің отырысы өтті.

26 ақпан 2025 жылы Зайсан аудандық Қоғамдық кеңесінің төрағасы М.Уәлидің төрағалығымен Қоғамдық кеңестің екінші отырысы болды.Отырыста Қоғамдық кеңестің бес адамнан алқа мүшелері сайланды.

         Қоғамдық кеңестің «Сыбайлас жемқорлыққа қарсы іс қимыл», «Экономика жөніндегі», «Әлеуметтік даму, мәдени және саяси ахуал жөніндегі» үш комиссиясы құрылып, мүшелері сайланды. Сондай ақ комиссия отырысында «Зайсан ауданында ауылшаруашылық саласын дамытуда атқарылып жатқан жұмыстар мен алдағы жоспарлар және көктемгі егістікті өткізуге дайындықтың барысы туралы» мәселе қаралып Зайсан аудандық кәсіпкерлік және ауыл шаруашылығы бөлімінің басшысы Қ.Н.Каримовтің, қосымша Зайсан ауданы әкімінің орынбасары Р.С. Рамазановтың хабарламалары тыңдалды. Аудандағы кейінгі уақытта жергілікті жерде өндіруге болатын ауылшаруашылық тауарларының қымбаттауы қоғам арасында әр түрлі пікірлер тудырып отыр. Бағаны тұрақтандыру жөнінде аудан басшылығы тарапынан шаралар іске асырылып жатыр. Дегенмен бағаны тұрақтандырудың бірден бір жолы ол ауданда ауылшаруашылық өнімдерін өндіру көлемін молайту болып табылады. Осыған байланысты қоғамдық кеңес мүшелері өз пікірлерін білдіріп, осы бағытта жұмысты жақсарту жөнінде өз ұсыныстарын жасады. Аудан әкімінің орынбасары Р.С.Рамазановқа, бөлім басшысы Қ.Н.Каримовқа ауданда ауылшаруашылығын дамытуды жаңа сатыға көтеру жөнінде арнайы бағдарлама жасап, іске асыру ұсынылды. Ауыл шаруашылығы саласын дамытуға қоғамдық бақылау жасау қоғамдық кеңестің бір отырысымен шектелмейді, бұл мәселе қоғамдық кеңестің үнемі бақылауында болатыны, ұдайы қоғамдық мониторинг жасалатыны, сәуір айында осы мәселе қоғамдық кеңестік төралқасында қайта қаралатыны ескертілді.

       Үйдене су қоймасынан су пайдаланатын ауылшаруашылық құрылымдарының Үйдене су қоймасында су қорының аздығына алаңдап, егін шаруашылығын жүргізуге байланысты пікірлеріне жауап ретінде, Қоғамдық кеңес осы отырыста «Қаз Су шар» мекемесінің Зайсан ауданындағы учаскесінің басшысы Б.Наққажиннің «Аудан тұрғындарын бақшалық және егістік жерлерді сумен қамтамасыз ету жөніндегі дайындығы туралы» хабарламасы тыңдады. Учаске басшысы қоймада су жиналып жатқанын, биылғы жылы қажетті су болатынын, алаңдауға еш негіз жоқ екенін хабрлады. Қоғамдық кеңес мүшелері бұл мәселені талқылап, учаске басшысына осы су жүйесі бойында орналасқан ауышаруашылық құрылымдарына, елді мекен тұрғындарына 1 мамыр 2025 жылдан бастап су беруді ұсынды.

Қоғамдық кеңес отырысында «Зайсан ауданы бойынша конкурсқа ұсынылатын ауылшаруашылығы мақсатындағы жер учаскелерінің тізімі туралы» мәселе қаралып, мақұлданды. Қоғамдық кеңес отырысында «Зайсан ауданының елді мекендерінің жерлерін аймақтарға бөлу жобасын (схемасын) бекіту туралы» Шығыс Қазақстан облысы Зайсан аудандық мәслихатының 2022 жылғы 19 қаңтардағы № 16-2 шешіміне өзгеріс енгізу туралы» шешім жобасы қаралып шешім жобасына жасалған өзгеріс мақұлданды .Сайланған қоғамдық комиссияларына отырыстарын өткізіп, төрағаларын сайлап алу, жұмыс жоспарларын жасау тапсырылды.

Фото

Previous Next