2025 жылғы 30 шілдеде Алматы облысы Қоғамдық кеңесінің отырысында облыстық бюджетті нақтылау жобасы қаралды.

✍🏻2025 жылғы 30 шілдеде Алматы облысы Қоғамдық кеңесінің отырысында облыстық бюджетті нақтылау жобасы қаралды.
✍🏻Отырыста Алматы облысының экономика және бюджеттік жоспарлау басқармасы басшысының орынбасары Шәлдибеков Азамат Ғалымұлы бюджетті нақтылау жобасын таныстырды.
Іс-шараға Қоғамдық кеңес төрағасы, ҚР Президенті жанындағы Ұлттық құрылтай мүшесі Қазыбек Дауталиев, Қоғамдық кеңестің аграрлық сектор жөніндегі комиссия төрағасы, ауыл шаруашылығы ғылымдарының докторы, Алматы облысының Құрметті азаматы Тынышбай Досымбеков, сондай-ақ Қоғамдық кеңес мүшесі, Ардагерлер кеңесінің төрағасы Ерболат Турумбетов қатысты.
✍🏻Қаралып отырған мәселелер бойынша Комиссия төрағалары офлайн форматта, ал қалған Қоғамдық кеңес мүшелері онлайн режимде қатысты. Қатысушылар баяндамашыға бірқатар сұрақтар қойып, ұсыныстарын білдіріп, бюджеттік өзгерістер жобасы бойынша пікір алмасты. Талқылау барысында өңірдің әлеуметтік-экономикалық дамуына қатысты маңызды мәселелер көтерілді.

✅Отырыстың қорытындысы бойынша Қоғамдық кеңес келесідей ұсыныстарын білдірді:
1. «Ирбис» баскетбол және жағажай волейболы командаларына төленетін қаржыны ҚР Президентінің Ұлттық құрылтайда берген тапсырмаларына және әлеуметтік саясаттың жалпы басымдықтарына сәйкес келмейді деп танып, аталған қаражатты бұқаралық спортты дамытуға бағыттау;
2. Ауыл шаруашылығы саласына, соның ішінде мал азығы — жем-шөппен қамтамасыз ету мәселесіне ерекше назар аудару;
3. Алатау қаласын дамыту — мемлекеттік деңгейдегі басым бағыт екенін назарға ала отырып, оған бөлінетін қаражаттың басқа аудандармен салыстырғанда төмен болуына жол бермеу;
4. Жедел жәрдем қызметін тиісті көлемде қаржыландыру қарастыру.

Фото

Previous Next