Хромтау ауданындағы қоғамдық қабылдаулар

Ақтөбе облыстық қоғамдық кеңесінің мүшелері – Н.Жалғасбаев, И.Бітік, Н.Абилов және Е.Уббиниязов жоспаплы жұмыс іссапарымен Хромтау ауданына барды.

Іссапар барысында кеңес мүшелері бірқатар әлеуметтік нысандардың жұмысымен танысты. Атап айтқанда, №2 мектеп-гимназиядағы жөндеу жұмыстарының барысы, №8 «Тұлпар» бөбекжай-балабақшасының қызметі, «Асыл Үміт» мүгедектігі бар балаларды оңалту орталығы, сондай-ақ аудандық аурухананың жағдайы назарға алынды.

Кеңес мүшелері жүргізіліп жатқан құрылыс жұмыстарының сапасына және белгіленген мерзімде аяқталуына баса назар аударып, мердігер ұйымдарға нақты ұсыныс-пікірлерін білдірді.
Сапар соңында аудан тұрғындарымен қоғамдық қабылдау ұйымдастырылып, азаматтардан келіп түскен өтініштер мен сұрақтар бойынша тиісті хаттама жасалды. Аталған мәселелер уәкілетті органдар мен мекемелерге жолданатын болады.

Фото

Previous Next