Мәртөк ауданына жұмыс сапары

Ақтөбе облыстық қоғамдық кеңесінің әлеуметтік-мәдени даму, сәулет, құрылыс,  көлік, сауда және ТҮКШ комиссияларының мүшелері іссапармен Мәртөк ауданында қоғамдық мониторинг, бақылаулар жүргізіп, жауапты тұлғалармен, жергілікті тұрғындармен кездесті.
Сапар барысында кеңес мүшелері әлеуметтік-мәдени даму, білім беру, денсаулық сақтау және спорт салаларына қатысты бірқатар нысандардың жұмысымен танысты. Атап айтқанда, Мәртөк ауылындағы денешынықтыру-сауықтыру кешенінің қызметі, орталық аудандық аурухана мен өнер орталығының құрылыс барысы, "Ұзақ өмір сүру" орталығы мен аудандық музейдің жұмысы зерделенді.
Мәртөк ауданындағы құрылыс нысандарына мониторинг жүргізді. Кеңсахара ауылында100 оқушыға арналған мектеп құрылысында,тапсырыс беруші: -Ақтөбе облысының құрылыс, сәулет және қала құрылысы басқармасы ММ; Бас мердігер: -Номад құрылыс Компаниясы ЖШС, мерзімдер: -басталуы 2024; -аяқталуы 2025 жылдар. 2024 жылы құрылыс басталғанмен тек құрылыс жерін дайындалумен шектелген. 2025 жылы жұмысты тек маусым айының орта шенінен бастаған. Құрылыстың іргетасын енді құйып болған. Мектеп биыл пайдалануға берілмейді себебі құрылыс өте кеш басталып отыр. 2026 жылғы оқу жылына тапсырмақ. Құрылыстың баяу жүргізілуіне және жоспарлы уақытта неге тапсырылмайтыны жөнінде басында жүрген мекеме өкілі жауап бере алмады. Аудан орталығы Мәртөк ауылында жүргізілудегі "Өрт сөндіру бекеті" құрылысы жақсы жүргізілуде мерзімі жоба бойынша тоғыз ай көрсетілген. Дайын, жиналмалы темір құрылғылардан салынатын болғандықтан алты айда бітіріп тастауға болатын шағын құрылыс, бірақ оған мердігер құлықсыз. Мәртөк ауылындағы №3 мектепке жапсарластырып салынудағы "Спорт залы" сақалды құрлыстардың бірі. Тапсырыс беруші: -Ақтөбе облысының құрылыс, сәулет және қала құрылысы басқармасы ММ; Қазір екінші мердігер құрылысты жалғастыруда. Мектеп ұжымы ашып көрсеткенмен мердігердің кім екенінен хабарсыз. Құрылыс сапасы өте нашар, есіктері дұрыс жабылмайды, еденге төселген тақтай қисық. Жұмыс орнында мердігерлер жоқ. Мәртөк аулы мен Аққайың аулын жалғастыратын автожол, орташа жөндеу 2022 жылда болған. Жөндеу жұмыстары бітісімен жұмыстың кемшіліктері көрінген, бірақ мердігер қайта жұмыс жасаудан бас тартқан. Соттасу процестері жүріп жатыр,

Кеңес мүшелері нысандардағы құрылыс жұмыстарының уақытылы әрі сапалы орындалуына ерекше назар аударып, анықталған кейбір кемшіліктер бойынша ескерту жасады. Барлық ұсыныс-пікірлер хаттамаға енгізіліп, тиісті мемлекеттік мекемелерге жолданады.

Фото

Previous Next