2025 жылғы 16 шілдеде Кеген ауданы, Кеген ауылының Жастар ресурстық орталығында Алматы облысының Азаматтық Альянсы мен Алматы облысының Қоғамдық кеңесі бірлесе отырып, қоғам белсенділерімен кездесу өткізді.

Кеген ауданында мемлекеттік әлеуметтік тапсырыстарды тиімді іске асыру мәселесі талқыланды

2025 жылғы 16 шілдеде Кеген ауданы, Кеген ауылының Жастар ресурстық орталығында Алматы облысының Азаматтық Альянсы мен Алматы облысының Қоғамдық кеңесі бірлесе отырып, қоғам белсенділерімен кездесу өткізді.

Іс-шараны Алматы облысының Азаматтық Альянсының Президенті, заң ғылымдарының кандидаты, профессор Қазыбек Дауталиев ашып, кездесудің негізгі мақсаты мен маңызын атап өтті. Ол өз сөзінде мемлекеттік әлеуметтік тапсырыстардың тиімділігіне қоғамдық бақылау орнатудың қажеттілігіне тоқталып, бұл бағытта жергілікті белсенділер мен жастардың рөлін ерекше атап өтті.
Кездесу барысында Азаматтық Альянс өкілі Мәдина Сауытбекова түрлі шетелдік ұйымдар ұсынатын гранттар туралы жан-жақты мәлімет беріп, оларға қатысу жолдары мен құжат рәсімдеу тәртібі жөнінде тың ақпаратпен бөлісті.
Іс-шараға Кеген аудандық қоғамдық кеңестің хатшысы Т.Қозыбағар, аудандық тұрақты комиссия мүшесі М.Садықова, “Инсан” қоғамдық қорының өкілі Г.Тохтабаева, “Қамқор-Кеген” қоғамдық бірлестігінің жетекшісі Ф.Акимбекова, “Қазақ тілі” қоғамының төрайымы Л.Қарасартова, Кеген аудандық мәслихаты аппаратының басшысы Ұ.Ақжігіт, Кеген ауданы әкімінің аппараты қызметкері Ж.Әбділда, аудандық ішкі саясат бөлімінің бас маманы Р.Құрман, Кеген аудандық ауруханасының қызметкері Г.Мұқанова, Кеген аудандық мәдениет үйінің директоры Е.Нұрбайұлы және Жастар ресурстық орталығының өкілі Г.Толонқызы қатысты.

Қатысушылар тарапынан бірқатар сұрақтар қойылып, тиісті жауаптар берілді. Сонымен қатар, қатысушылар ұсыныс-пікірлерін ортаға салып, оларды жазбаша түрде жолдайтындықтарын білдірді.
Кездесу аясында “Әлеуметтік жобаларға мониторинг жүргізу әдістері” тақырыбындағы оқыту курсы ұйымдастырылып, курс соңында қатысушыларға арнайы сертификаттар табысталды.
Аталмыш іс-шараның басты мақсаты – облыс аумағында жүзеге асырылып жатқан мемлекеттік әлеуметтік тапсырыстардың тиімділігіне қоғамдық бақылау орнату, бұл бағыттағы жұмыстарды ауыл тұрғындарына, кәсіпкерлерге және жастарға кеңінен түсіндіру, сондай-ақ олардың құқықтық және ақпараттық сауаттылығын арттыру болып табылады.

Фото

Previous Next