Қазкеңес жаңалықтары

2025 жылғы 15 шілдеде Алматы облысы әкімдігінде облыстық қоғамдық кеңес мүшелері, басқарма басшылары, аудандық және қалалық ішкі саясат бөлімдерінің жетекшілері, Азаматтық альянс, ірі ҮЕҰ төрағалары, қоғам қайраткерлері және БАҚ өкілдері қатысқан дөң

📣Үкіметтік емес ұйымдардың рөлін арттыру: Алматы облысында дөңгелек үстел өтті.
2025 жылғы 15 шілдеде Алматы облысы әкімдігінде облыстық қоғамдық кеңес мүшелері, басқарма басшылары, аудандық және қалалық ішкі саясат бөлімдерінің жетекшілері, Азаматтық альянс, ірі ҮЕҰ төрағалары, қоғам қайраткерлері және БАҚ өкілдері қатысқан дөңгелек үстел өтті.
Жиынға 40-тан астам адам қатысып, жастар саясаты, дін, денсаулық сақтау, жұмыспен қамту, тілдерді дамыту, білім беру салаларының өкілдері, аудан әкімдіктерінің ішкі саясат бөлімдері мен түрлі қоғамдық бірлестіктердің жетекшілері жиналды.
📣Іс-шараның мақсаты — мемлекеттік әлеуметтік тапсырыс аясындағы ҮЕҰ жобаларының тиімділігі мен ашықтығын арттыру, қоғам алдындағы жауапкершілігін күшейту және жергілікті ұйымдарды қолдау.
Жиында Алматы облысы Азаматтық альянсының президенті, заң ғылымдарының кандидаты Қазыбек Дауталиев, облыстық ішкі саясат басқармасының басшысы Ерік Абитов, альянс президентінің орынбасары Мадина Сауытбекова және қоғам қайраткері Қайыржан Абдихалыков баяндама жасап, ҮЕҰ дамуына қатысты өзекті мәселелерді қозғады.
📣Сонымен қатар «Мемлекеттік әлеуметтік тапсырыс саласындағы ҮЕҰ қызметін мониторингтеу әдістемесі» атты семинар өтіп, мемлекеттік тапсырыстың тиімділігін бағалау және қоғамдық бақылауды күшейту жолдары талқыланды.
Бүгінде облыстағы алты басқарма — ішкі саясат, мәдениет, денсаулық сақтау, жұмыспен қамту, жастар саясаты және дін істері басқармалары — жалпы сомасы шамамен 1,2 млрд теңгені құрайтын мемлекеттік әлеуметтік тапсырыстарды жүзеге асырады. Осы қаражаттың ашықтығын қамтамасыз ету үшін тәуелсіз эксперттік кеңестер құру жұмыстары жүргізілуде.
Аталған жиын азаматтық қоғам институттарын дамытуға, ҮЕҰ ашықтығы мен тиімділігін арттыруға және мемлекеттік әлеуметтік тапсырыстардың сапалы жүзеге асырылуына бағытталған маңызды қадам болып табылады.

Фото