Тұрақты комиссияның отырысы

Әкімдіктің әлеуметтік салаға жауапты бөлімдерінің 2024 жылғы бюджетінің атқарылуы туралы есептері Ақтөбе қаласының Қоғамдық кеңесімен бірлесіп, мәслихаттың әлеуметтік-мәдени даму және жастар ісі бойынша тұрақты комиссия отырысында қаралды.

Жұмыспен қамту және әлеуметтік бағдарламалар бөлімінің 2024 жылғы бюджеті 11,7 млрд.тг. құраған.

5867 отбасына 1,3 млрд.тг.-ге атаулы әлеуметтік көмек берілді.
60 аз қамтылған отбасына 1,1 млрд.тг.-ге тұрғын үй жәрдемақысы төленді.
28150 адамға мұқтаж азаматтардың жекелеген санаттарына бойынша 3,3 млрд.тг.-ге әлеуметтік көмек көрсетілді.

Мүгедектерді міндетті гигиеналық құралдармен қамтамасыз етуге және ымдау тілі мамандарының, жеке ассистенттердің қызмет көрсетуіне 4,7 млрд.тг. бағытталды.

Инватакси қызметтеріне 619 млн.тг. жұмсалып, 1074 адамға қызмет көрсетілді.

Сондай-ақ Қиын жағдайдағы адамдарды әлеуметтендіру орталығы, Тұрмыстық зорлық-зомбылық құрбандарына арналған дағдарыс орталығы, Әлеуметтік көмек көрсету орталықтарының шығыстары өтелді.

Отырыста Мәдениет және тілдерді дамыту, Спорт, Ішкі саясат бөлімдерінің есептері де тыңдалды. Депутаттар мен Қоғамдық кеңес мүшелері мүгедектігі бар азаматтардың спортпен шұғылдануына жағдай жасау, бөлімдермен ұйымдастырылатын іс-шаралардың нәтижелілігін талдау, денсаулық сақтау, білім беру бағыттарында қалада жасалып жатқан жұмыс бойынша тиісті басқарма басшыларымен кездесу, басқа да ұсыныстарын көтерді.

Фото

Previous Next