МӘДЕНИЕТ САЛАСЫНА ҚОҒАМДЫҚ МОНИТОРИНГ ЖҮРГІЗІЛУДЕ

Облыстық қоғамдық кеңестің жылдық жұмыс жоспарына сәйкес, қоғамдық кеңестің төралқа мүшесі С.С. Құрманбекованың жетекшілігімен Тараз қалалық мәдениет және тілдерді дамыту бөлімі мен оған қарасты мекемелерге қоғамдық мониторинг жүргізілді.

 Мониторинг барысында аталған бөлімнің қызметі, оған бағынысты мекемелердің материалдық-техникалық жағдайы, мәдени іс-шаралардың ұйымдастырылуы және мемлекеттік тіл саясатының жүзеге асырылу барысы жан-жақты зерделенді.

 Сонымен қатар, мәдениет саласына қатысты тұрғындардың пікірлерін, ұсыныс-тілектерін жинақтау мақсатында қоғамдық қабылдау өткізілді. Қабылдау барысында азаматтардың бірқатар өзекті мәселелері тыңдалып, тиісті түсіндіру жұмыстары жүргізілді.

 Жүргізілген қоғамдық бақылау нәтижесінде бірқатар ұсыныстар әзірленіп, олар тиісті органдарға жолданатын болады. Мұндай іс-шаралар мемлекеттік мекемелердің ашықтығы мен халықпен кері байланысты нығайтуда маңызы зор.

Фото

Previous Next