26 маусым 2025 жылы Балқаш ауданы, Бақанас ауылында Алматы облысы Қоғамдық кеңесінің ұйымдастыруымен «Жаңа қоғам жағдайындағы жергілікті қоғамдық бақылау: өңірлік мәселелер және шешу жолдары» тақырыбында дөңгелек үстел отырысы өткізілді.

26 маусым 2025 жылы Балқаш ауданы, Бақанас ауылында Алматы облысы Қоғамдық кеңесінің ұйымдастыруымен «Жаңа қоғам жағдайындағы жергілікті қоғамдық бақылау: өңірлік мәселелер және шешу жолдары» тақырыбында дөңгелек үстел отырысы өткізілді. Іс-шараның модераторы – Алматы облысы Қоғамдық кеңесінің төрағасы, ҚР Президенті жанындағы Ұлттық құрылтай мүшесі Дауталиев Қазыбек Нүрсейітұлы.

Іс-шараға облыстық және аудандық деңгейдегі Қоғамдық кеңес мүшелері, жергілікті атқарушы органдардың өкілдері, ауыл шаруашылығы, медицина, құқық және мәдениет салаларындағы сарапшылар қатысты.

Дөңгелек үстелде өңір үшін өзекті саналатын бірқатар мәселелер кеңінен талқыланды, соның ішінде:
• қой шаруашылығын дамыту;
• тарихи-мәдени мұраларды қорғау;
• жергілікті қоғамдық бақылау тетіктерін күшейту;
• ауылдық денсаулық сақтау жүйесін жетілдіру;
• құқықтық қызметтің қолжетімділігін қамтамасыз ету және т.б.

Спикерлер ауылдық деңгейде мемлекеттік саясатты іске асырудың барысы мен проблемаларын ашық түрде қозғап, нақты ұсыныстарын білдірді.
Сонымен қатар, Қоғамдық кеңестің «МедБақылау» атты жаңа жобасы таныстырылды.

Көптеген маңызды ұсыныстар мен сұрақтар көтерілді. Бірқатар мәселелер бойынша шешімдер алдағы уақытта қабылданатын болады.

Фото

Previous Next