Алматы облысы Қоғамдық кеңесінің көшпелі отырысы 2025 жылғы 3 маусымда Еңбекшіқазақ ауданында өтті

⚜️Алматы облысы Қоғамдық кеңесінің көшпелі отырысы өтті

2025 жылғы 3 маусымда Еңбекшіқазақ ауданының Есік қаласындағы Есік гуманитарлық-экономикалық колледжінде Алматы облысы Қоғамдық кеңесінің IV шақырылымдағы көшпелі отырысы өтті.

Отырыстың негізгі мақсаты – Қазақстан Республикасының Президенті Қасым-Жомарт Кемелұлы Тоқаевтың Ұлттық құрылтайдың IV отырысында берген тапсырмаларын талқылау және оларды жергілікті деңгейде жүзеге асыру бойынша нақты шаралар қабылдау.

Жиынға аудандық мәслихат депутаттары, аудандық қоғамдық кеңес мүшелері, ауылдық округ әкімдері, жергілікті қоғамдастық жиналыстарының мүшелері мен ауыл тұрғындары қатысты.

Кездесу барысында Мемлекет басшысының еліміздің қоғамдық-саяси өмірін жаңғыртуға, азаматтардың әл-ауқатын арттыруға және жергілікті өзін-өзі басқару жүйесін жетілдіруге бағытталған тапсырмалары кеңінен талқыланды. Қатысушылар өз ой-пікірлерін білдіріп, жергілікті жерлерде атқарылып жатқан жұмыстар мен алдағы жоспарлар жөнінде ұсыныстарын ортаға салды.

Бұл отырыс қоғамдық кеңестердің рөлін күшейтіп, билік пен халық арасындағы байланыс арнасын одан әрі нығайтуға бағытталған нақты қадам болды.

Фото

Previous Next