"Қазақстан Республикасындағы қоғамдық кеңестердің қызметін ұйымдастыру және мақсат қою" тақырыбында стратегиялық сессия өтеді

---

Журналистердің, блогерлердің, азаматтық белсенділердің назарына!

2015 жылы халық алдында есеп беретін мемлекетті қалыптастыру жөніндегі мемлекеттік саясатты іске асыру үшін "Қоғамдық кеңестер туралы" Заң қабылданды.
Мемлекет басшысы Қ.К. Тоқаевтың "Қазақстан Жаңа нақты ахуалда: іс-қимыл уақыты" атты Қазақстан халқына Жолдауында берген тапсырмасын орындау мақсатында 2021 жылы "Қоғамдық кеңестер туралы" Заңға түзетулер қабылданып, квазимемлекеттік сектор субъектілерінде 13 Қоғамдық кеңес құрылды.
Бүгінгі күні Қоғамдық кеңес ұлттық компанияларда қаншалықты тиімді жұмыс істейді және қандай сын - тегеуріндерге тап болады деген сұрақ туындайды. Оның ішінде азаматтық қоғаммен бірлескен жұмыста қандай құралдар мен дағдылар қолданылады.
Осыған байланысты, "Eurasian Expert Council" Қоғамдық Қоры 2022 жылғы 3 маусымда сағат 9.00-ден 13.00-ге дейін " Самұрық-Қазына "ҰӘҚ алаңында, Нұр-Сұлтан қаласында, "Қазақстан Республикасындағы қоғамдық кеңестердің қызметін ұйымдастыру және мақсат қою" тақырыбында ұлттық компаниялардың қоғамдық кеңестерінің 50 мүшелерінің қатысуымен стратегиялық сессия өтетінін хабарлайды.
Сессия жұмысы шеңберінде ҚК жұмысының мәселелері – проблемалар мен қауіптер, ҚК ұғымдарымен танысу, ҚР-да ҚК институтының қалыптасу тарихы талқыланады және топтық кейс-ойынмен практикалық сессия өтеді. Қорытындысы бойынша ұлттық компаниялар қабырғасында ҚК -ны одан әрі дамыту және жүйелік және ұзақ мерзімді міндеттерді шешу үшін стратегиялық маңызы бар шешімдер әзірленетін болады.
Ұлттық компаниялар - біздің экономикамыздың негізі. Осы жылы құрылған Қоғамдық кеңестер ұлттық компаниялардың бюджеттік ашықтығын қамтамасыз етуге арналған. Бұл туралы біз іс-шарада әңгімелейміз және тренинг өткіземіз.
Іс жүзінде барлық ұлттық компаниялар мен холдингтердің, соның ішінде Самұрық-Қазына, Бәйтерек және т.б. ҚК мүшелері қатысуды растады.