ТАЗА ҚАЗАҚСТАН:ҚОҒАМДЫҚ ЭКОБАҚЫЛАУ

 ҚР Мәдениет және ақпарат министрлігі “Таза Қазақстан” жалпыұлттық акциясы аясында Қоғамдық кеңестер және ҮЕҰ-мен бірлесе дүниежүзілік қоршаған ортаны қорғау күні және экологтар күніне орай “Қоғамдық экобақылау” республикалық акциясын бастады.

"Қоғамдық экобақылау” акциясы а.ж 5 маусым-5 шілде аралығында тақырыптық онкүндіктер бойынша өткізіледі.

1-ші онкүндік шеңберінде 5 маусым-15 маусым мерзіміне жоспарланған туристік және тарихи-мәдени объектілерінің аумағына мониторинг жүргізу мақсатында Жамбыл облыстық Қоғамдық кеңесінің төрағасы Дүйсеналы Бықыбаевтың жетекшілігімен экобақылау тобының мүшелері Тараз қаласы және Жамбыл ауданында орналасқан тарихи-мәдени ескерткіштерге қоғамдық экомониторинг жүргізді.

 Республикалық маңызы бар тарих және мәдениет ескерткіштерінің мемлекеттік тізіміне енген Қазақстанда XI ғасырдан сақталған сәулет өнері - Қарахан кесенесі, заңмен қорғалған архитектуралық ескерткіш - Айша бибі кесенесі, Тараз қаласының төл тарихын бейнелейтін “Тектұрмас” этно-тарихи кешеніне мониторинг жүргізген топ мүшелері ұлттық тарихымыз бен мәдениетіміздің құнды жәдігерлерінің сақталуы мен қорғалуы барысын зерделеді.

Экобақылау қорытындысы айрықша тарихи-мәдени мұра нысандарын бүлінуден, зақым келтіруден қорғау және сақтау мақсатында көлемді жұмыс атқарылғанын көрсетті.

Президентіміз атап өткендей, “Таза Қазақстан - біздің өмір салтымыз”.

Азаматтардың экологиялық талаптарды сақтап, оны саналы түрде өмір салтына айналдыруы аса маңызды.

Көне тарихтың куәсі болып саналатын тарихи-мәдени мұраларды сақтау және қорғау әрбір азаматтың еліне, туған жеріне деген жанашырлығы, қамқорлығы болмақ.

Фото

Previous Next