Сыбайлас жемқорлық тәуекелдерін ішкі талдау нәтижелерін талқылау жөніндегі кезекті отырыс

Е.Жангазының төрағалығымен облыстық қоғамдық кеңес, Ақтоғай, Железин, Май және Павлодар аудандарының қоғамдық кеңестерінің азаматтардың құқықтары мен заңды мүдделерін қамтамасыз ету және сыбайлас жемқорлық көріністеріне қарсы іс-қимыл мәселелері жөніндегі комиссияларының бірлескен отырысы өтті. Кеңесте облыстық сәулет және қала құрылысы, мемлекеттік сатып алу, жер қатынастары, білім, құрылыс, энергетика және тұрғын үй-коммуналдық шаруашылық басқармаларының, сондай-ақ Ақтоғай, Железин, Май және Павлодар аудандары әкімдіктерінің есептері тыңдалды. Отырыстың жұмысына Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Павлодар облысы департаменті басшысының бірінші орынбасары Оспанов А. қатысты. Қоғамдық кеңес мүшелерінің сұрақтарына жер қатынастары басқармасының мемлекеттік қызметтер және құқықтық жұмыс бөлімінің басшысы Сагимбаева Д., Павлодар ауданы әкімі аппаратының басшысы Жусупова А., облыстық сәулет және қала құрылысы басқармасының мемлекеттік қала құрылысы кадастры бөлімінің басшысы Матенов А., облыстық мемлекеттік сатып алу басқармасының мониторинг, есептілік және құқықтық жұмыс бөлімінің басшысы Дарим С., облыстық энергетика және тұрғын үй-коммуналдық шаруашылық басқармасының қауіпсіз пайдалану нысандарын бақылау бөлімінің басшысы Абдыгалыкова А., облыстық білім басқармасының құқықтық қамтамасыз ету бөлімінің басшысы Жумагулов Б., Железин ауданы әкімі аппаратының мемлекеттік-құқықтық бөлімінің басшысы Мукашева Ж., Май ауданы әкімі аппаратының мемлекеттік-құқықтық бөлімінің басшысы Сагымбаев Д., Ақтоғай ауданы әкімі аппаратының бас маманы Жаншокова Г., облыстық құрылыс басқармасының бас маман-заңгері Кажикенов Т. жауап берді. Отырыс қорытындысы бойынша басқармалар мен әкімдіктерге сыбайлас жемқорлық тәуекелдерін ішкі талдау нәтижелерінде анықталған тәуекелдерді ескеру, сондай-ақ тиісті жұмыс топтарының қорытынды ұсыныстарын орындау ұсынылды.

Фото

Previous Next