Қазкеңес жаңалықтары

Қазақстан Республикасы Мәдениет және ақпарат министрлігінің бастамасымен, «Таза Қазақстан» жалпыұлттық акциясы аясында елімізде «Қоғамдық эко-бақылау» республикалық акциясы өз жұмысын бастады.


Үшқоңыр жайлауында – қоғамдық эко-бақылау

   Қарасай ауданында «Қоғамдық эко-бақылау» акциясы басталды.
   Қазақстан Республикасы Мәдениет және ақпарат министрлігінің бастамасымен, «Таза Қазақстан» жалпыұлттық акциясы аясында елімізде «Қоғамдық эко-бақылау» республикалық акциясы өз жұмысын бастады. Аталмыш шара 5 маусым - Дүниежүзілік қоршаған ортаны қорғау күні мен Экологтар күніне орайластырылған. Акция 5 маусым мен 5 шілде аралығын қамтиды.
   Экологиялық мәдениетті арттыру мен қоршаған ортаны қорғауға қоғам назарын аударуды мақсат тұтқан акция үш кезеңнен тұратын онкүндікке бөлінген.
Атап айтқанда:
1)    5–15 маусым аралығында туристік және тарихи-мәдени объектілерге мониторинг жүргізу;
2)    16–25 маусымда – абаттандыру, стихиялық қоқыс тастайтын орындар, жасыл желектерді күтіп-баптау мәселелерін бақылау;
3)    26 маусым – 5 шілде аралығында – жер қойнауын пайдалану саласына мониторинг жүргізу жоспарланған.
   Аталған іс-шара аясында Қарасай аудандық қоғамдық кеңесінің мүшелері де белсенділік танытуда. 11 маусым күні аудан аумағындағы табиғаты көркем, туризмге сұранып тұрған Үшқоңыр жайлауына арнайы экологиялық мониторинг ұйымдастырылды.
    Мониторинг жұмыстарына қоғамдық кеңестің әлеуметтік саланы дамыту, еңбекпен қамту, білім, денсаулық сақтау, мәдениет және жастар саясаты мәселелері бойынша комиссиясының төрайымы Бархинова Ұлтусын Амангелдіқызы жетекшілік етті. Комиссия құрамында қоғамдық кеңес мүшелері: Жұмабаев Сапар Тұңғышбайұлы, Нұрпейісов Серікжан Рымханұлы, Даниярова Алия Базарбекқызы және Балажанова Айжан Талғатқызы қатысты.
Тексеру барысында Үшқоңыр тауының тазалық жағдайы, табиғи ландшафтының сақталуы мен инфрақұрылым мәселелері зерделенді. Мониторинг қорытындысы бойынша ұсыныстар дайындалып, тиісті мекемелерге жолданатын болады.
    «Қоғамдық эко-бақылау» акциясы аясындағы бұл бастама табиғатты аялауға бағытталған қоғам белсенділігінің артуына, сондай-ақ экологиялық мәдениетті қалыптастыруға үлкен үлес қосатыны сөзсіз.

Фото