Б.Бұлқышев атындағы орталықтандырылған кітапхана жүйесінің ғимаратында алғаш рет күрделі жөндеу жұмыстары жүргізілуде

Биыл қаламыздағы Б.Бұлқышев атындағы орталықтандырылған кітапхана жүйесінің ғимаратында алғаш рет күрделі жөндеу жұмыстары жүргізілуде. Жоспарға сәйкес кітапхана кеңістігі заманауи талаптарға сай қайта жабдықталатын болады.

11 маусымда қалалық мәслихат депутаттары мен қоғамдық кеңес мүшелері жөндеу жұмыстарының барысын бақылап қайтты.

Құрылыс жұмыстарын «ДОСТАР СТРОЙ К» ЖШС жүзеге асыруда. Қазіргі уақытта ескі жабдықтар мен құрылымдарды демонтаждау жұмыстары аяқталып, ішкі әрлеу және инженерлік жүйелерді жаңғырту жұмыстары жүргізіліп жатыр. Ғимараттың терезелері толық алмастырылып, ішкі желдету жүйесі орнатылған. Жұмыс тобы тарапынан жөндеу жұмыстарының сапасына баса назар аударылды. Анықталғандай, жұмыстар кезең-кезеңімен, бекітілген кестеге сай орындалуда. Жобаның уақтылы әрі сапалы аяқталуы — қала тұрғындары үшін маңызды мәселе.

Фото

Previous Next