Қоғамдық кеңестің отырысы өтті

Ағымдағы жылдың 29 сәуірі, Д.А. Шәкировтың төрағалығымен ауданның қоғамдық кеңесінің отырысы өтті. Отырысқа Қоғамдық кеңес мүшелері, аудан әкімінің орынбасары А.Әбенова, аудандық мәслихатының төрағасы А.Әлжанов, облыстық мәслихат депутаты В. Камышанский, аудандық мәслихат депутаттары, қала, ауданның ауылдық округтері мен ауылдарының әкімдері, мемлекеттік мекеме басшылары, БАҚ өкілдері қатысты.
Күн тәртібінде қаралған мәселелер: Жарқайың ауданының Қоғамдық кеңесі туралы ережені бекіту; «Зиянды және (немесе) қауіпті заттармен және өндірістік факторлармен байланыста жұмыс істейтін адамдарды міндетті мерзімді медициналық тексеруден өткізудің проблемалық мәселелері туралы». Хабарламашы: Ж.С. Ахметова – «Жарқайың аудандық санитарлық-эпидемиологиялық бақылау басқармасы» КММ басшысы; Ж.Ә. Семжанова – «Жарқайың аудандық ауруханасы» ШЖҚ МКК бас дәрігері; «Мал шаруашылығын дамытудың өзекті мәселелері және оларды шешу жолдары туралы», «Жарқайың ауданында шетелдіктер үшін 2025 жылға арналған туристік жарна ставкаларын бекіту туралы». Хабарламашы: Т.О. Бейсенов – «ауыл шаруашылығы, жер қатынастары және кәсіпкерлік бөлімі» ММ басшысының орынбасары; «Аудандық мәслихаттың 2021 жылғы 19 қаңтардағы «Бейбіт жиналыстар өткізудің кейбір мәселелері туралы» шешіміне өзгерістер енгізу туралы». Хабарламашы: Ж.Т. Мыңбаев - «Ішкі саясат бөлімі» ММ бас маманы.
Барлық сұрақтар бойынша ақпарат тыңдалды, Қоғамдық кеңес мүшелері өздерін қызықтырған сұрақтарын қойды, оларға толық жауаптар берілді. Отырыс қорытындысы бойынша мемлекеттік мекемелерге тиісті ұсынымдар жолданды.

Фото

Previous Next