Балаларды мектепке жеткізіп-тасымалдау проблемалары туралы

Б.Бексейітованың төрағашылығымен Павлодар облыстық қоғамдық кеңесінің білім беру, денсаулық сақтау, мәдениет және әлеуметтік қорғау мәселелері жөніндегі комиссиясының отырысы өтті. Комиссия жұмысына облыстық қоғамдық кеңестің төрағасы Б. Демеуов қатысты. Комиссия балаларды Кенжекөл мектебіне тасымалдау мәселелерін қарастырды. Бұл Байдала, Долгое ауылдарынан және Әуе қалашығы мен саяжай шағын ауданынан 477 баланы 3 автобуспен тасымалдау. Саяжай мен әуе қалашығынан Балалар ауылының балаларын қоса алғанда 250-ден астам бала тасымалданады. Талқылау барысында Әуе қалашық ауданында және Байдала ауылының маңайында мектептер салу қажеттілігін атап өтті. Қоғамдық кеңес мүшелерінің сұрақтарына облыстың білім беру басқармасының басшысы С. Айтқазина, Кенжекөл ауылдық округінің әкімі М. Сансызбаев, Павлодар қаласының білім беру бөлімі басшысының орынбасары Г. Медиева, Кенжекөл ЖОББМ басшысы С. Ақылжанова, Кенжекөл ауылының отбасылық үлгідегі Балалар ауылының басшысы А. Шамгалиева жауап берді. Әуе қалашығы ауданындағы мектепке арналған жер телімін қарап, білім беру басқармасының басшысына салалық қорытынды дайындауды және ЖСҚ-ға ақшалай қаражат бөлуді ұсынды. Отбасылық үлгідегі Балалар ауылына барып шықты. Шағын орталыққа ойыншықтар сыйлап, мекеме әкімшілігінің оң жұмысын атап өтті.

Фото

Previous Next