Атырауда Қоғамдық кеңес мүшелерінің қатысуымен "Референдумды Қоғамдық қолдау" Республикалық штабының өңіраралық көшпелі кездесуі өтті

---

2022 жылдың 29 мамыр күні, облыс орталығындағы Салтанат сарайында "Референдумды Қоғамдық қолдау" Республикалық штабының өңіраралық көшпелі кездесуі өтті.

Кездесуге Республикалық референдумды Қоғамдық қолдау штабының төрағасы Т.Мұқашев, штаб төрағасының орынбасары, Республикалық ардагерлер кеңесінің төрағасы Б.Ізмұханбетов, облыстық маслихат хатшысы Ә. Нәутиев, Батыс Қазақстан, Маңғыстау, Ақтөбе, Түркістан, Атырау облыстарының Қоғамдық штаб басшылары, Атырау облыстық Қоғамдық Кеңесінің мүшелері, облыстық және аудандық маслихат депутаттары, ардагерлер, БАҚ өкілдері қатысты.

Кездесу барысында өңіраралық референдумды Қоғамдық қолдау штабының төрағалары, референдумды халық арасында насихаттап, қолдау мақсатында, бүгінгі күнге дейін атқарған жұмыстарын баяндады.

Сөз алған спикерлер Ата Заңымызға енгізілген өзгерістер мен толықтыруларға, елдегі қазіргі жағдайға тоқталды. Облыстық Қоғамдық Кеңестің мүшесі Ұзақбай Еділ баяндама жасады. Спикерлер сөздерін қорытындылай келе, 2022 жылдың 5 маусым күні Референдумға дауыс беруге шақырды.