Атырау облыстық Қоғамдық кеңесінің төрағасы М.Ізбасов аудандарда іс сапармен болды

---

Облыс әкімі  С.Ж.Шәпкеновтың аудандарда  өткен жұмыс сапарында, кеңес төрағасы М.Ізбасов  жұмыс тобы құрамында қатысты. Облыс әкімі кездесуде жергілікті ауыл тұрғындарының әлеуметтік жағдайы, тұрмыс тіршілігі, инфрақұрылыммен қамтылуы барысында танысты.     
14.04.2022 жылы Индер ауданы, Жарсуат  ауылының жергілікті тұрғындармен кездесуде қозғалған  өзекті мәселелердің бірі-апатты  көп пәтерлі  тұрғын үйлер мәселесі. Индербор  кентінде апатты  деп танылған 25 көп пәтерлі  тұрғын  үй бар, онда 233 отбасы тұрады.  Бұл үйлерде халықтың әлеуметтік осал топтары тұратындықтан, осы санаттағы халықтың жер алып үй салуға мүмкіндіктері жоқ. Күні бүгін бірінші кезекте  Барлаушы мөлтек ауданы З.Қабдешев  көшесіндегі  №5;7 тұрғын үйлерді апатты  деп танылу себебінен және сол аумақта орналасқан зираттың санитарлық қорғаныш аймағында орналасқандықтан, аталған үйлердің жер телімін мемлекет мұқтаждығына алу мақсатында облыстық бюджеттен 112 млн. тенге қаржы бөлінген.  Бұл қаржыға аталған үйлердің 16 отбасын көшіру үшін тұрғын үй сатып алу жоспарланған.  
Индер ауданындағы проблемалық мәселелер «Құрайлы- Сай»,   «Бағырлай», «Ақсай» каналдарын тазарту, тереңдету жұмыстары, «Аққала», «Құрылыс», «Ынтымақ» ауылдарында   балабақша салу, аудандағы  қоқыс полигондарын қоршау, «Тұзды көлін» ерекше қорғалатын табиғи аумақ тізімінен алып тастау, «Индер-Мақат»  темір жолын қайта жаңғырту  мәселелері.
 Өңір басшысы  құрылысы  жылдарға созылған, халық игілігіне пайдалануға   тапсырылуы қажет, дене шынықтыру сауықтыру кешеніне арнайы барды. Проблемалық мәселені жеке тыңдады., мердігерге бір ай мерзім ішінде құрылыс нысанын  аяқтауды міндеттеді. 
Жұмыс сапарында облыс әкімі тұрғындарды жеке қабылдады. Кездесуге 400 тұрғын қатысып, жиын 4 сағатқа жуық созылды, сауал қойып, ұсыныс –пікірлерін білдірді.
20.04.2022 жылы  облыс әкімі   жұмыс сапарын Махамбет ауданына қарасты   «Бейбарыс» ауылдық округі тұрғындарымен кездесуден бастады. Махамбет ауданында 2013-2015 жылдар іске қосылған   жоба құны-5,3 млрд, қуаттылығы жылына - 9,5 мың тонна сүт өнімін өндіретін, «СП Первомайский» ЖШС-і, «Сарайшық» ауылында  жоба қуаттылығы –айына    5 тонна шырын өндіруге арналған, жоба құны -128 млн. тенге құрайтын   2020 жылы іске қосылған «Атырау Агро Өнімдер» ЖШС –нің шырын өңдеу цехы орналасқан.  
Осы ауданда мердігер мекеме-«Аксайстройсервис» ЖШС-і, жоба құны-395,6 млн. тенгені құрайтын, 160 орындық дене шынықтыру, сауықтыру кешенінің құрылысын салуда.  
Сарытоғай ауылындағы құрылыс жұмыстары тұрып қалған 200 орындық мәдениет үйінің тапсырыс мердігері -«Строй Проект 2017» ЖШС, жоба құны -242,4 млн. тенге, келісім шарт бойынша аяқталу мерзімі-   2021 жыл, бүгінгі күні құрылыс жұмыстары 50% бітіп, тұрып қалған, ағымдағы жылы наурыз айында мердігер сотқа беріліп, мамырда сот шешімінен соң ЖСҚ-ға түзету енгізіледі екен. «Бұл нысандарды ертеңгі күні қолданатын –тұрғындар. Сондықтан осы бағытта  Қоғамдық бақылауды күшейту қажет. Өйткені әрбір нысан халық игілігіне қызмет етеді»-деді  аймақ басшысы. Кездесуге келген тұрғындардың өзекті мәселелерін тыңдаған облыс әкімі, дәл қазір шешілмеседе, кезең -кезеңімен шешілетінін айтып, тұрғындардың ұсыныс пікірін тыңдап, жеке қабылдау өткізді.   
 11.05.2022 жылы облыс әкімі С.Ж.Шәпкеновтың Исатай ауданында өткен жұмыс сапарында,    кеңес төрағасы М.Ізбасов  жұмыс тобы құрамында Х.Ерғалиев және Аққыстау ауылының тұрғындарымен кездесті. Өзекті мәселелерін тыңдады, әлеуметтік, инфраструктуралық жағдайымен танысты.
Х.Ерғалиев ауылындағы  ауылішілік көлік жолы  және жаяу жүргіншілер  жолдарын күрделі жөндеу жұмыстармен танысты. Мердігер мекеме «Промстроймонтаж» ЖШС, бөлінген қаржы-397 млн. 100 мың тенге, жұмыс жасайтын адам саны-28, жұмысты аяқтау-2022 жылдың қараша айына жоспарланған; Жұмабай Мырзағалиев  атындағы  мектепке 350 орындық жапсаржайының құрылысына-1 млрд 020 миллион 500 мың тенге (ТШО-ның «Игілік» бағдарламасы) арқылы  бөлінген,  нысанды пайдалануға беру    2022 жылдың қараша айына жоспарланған; 
Исатай ауданына  қарасты Аққыстау ауылында  салынып жатқан    60 пәтерлік  3 тұрғын үйдің құрылысына -3 млрд 7 млн 891 мың тенге бөлінген, ауданы-12 075,12 м2, құрылысты аяқтау 2022 жылдың желтоқсан айына жоспарланған. 
Аққыстау ауылындағы 16,2 км ауылішілік жолдарының күрделі жөндеу жұмыстарына -1 млрд. 533 млн 858 мың тенге бөлінген, мердігер мекеме «Информстройсервис» ЖШС, жұмыс орны-22 адам, нысанды пайдалануға беру, ағымдағы жылдың желтоқсан айында жоспарланған. 
Аққыстау ауылындағы құрылысы жүріп жатырған орталықтандырылған кәріз жүйесіне бөлінген қаржы көлемі -2 млрд 876млн 848 мың тенге. Мердігер мекеме-«Павлодар өзен порты» ЖШС;
Аққыстау ауылы маңындағы «Нарын» каналын күрделі жөндеуге  жобалық сметалық құжаттама жасақталу үстінде; Осы  ауылда 320 орындық кәсіптік лицей 100 орындық  жатақханасымен салуға-1 млрд 646 миллион.500 мың тенге бөлінген, мердігер мекеме- «ДанСтройБаза-ЛТД» ЖШС мекемесі. Өрт сөндіру депосын салуға -478 млн 300 мың тенге бөлінген, мердігер мекеме «Гамма –С» келісім шарттағы мерзімінде тапсырылмай құрылыс жұмыстары бүгінгі күнге дейін тоқтап тұр. 
Жөндеу жұмыстары уақытында аяқталуы үшін халық та, билік те жол сапасын бақылауды күшейту қажет. Демек, Қоғамдық бақылау жүргізу маңызды. Ауылды дамытуға бөлінген қаржы мақсатымен жұмсалуы тиіс»- деді  кездесуде облыс әкімі С.Ж.Шапкенов. 
Исатай ауданында болған кездесуде аудан тұрғындары өзекті мәселелерін көтерді, олар: жазғы су құбырын тарту, «Атырау –Астрахань» тас жолынан ауылға өткел салу, саябақ және дене шынықтыру кешенін тұрғызу, қаңғыбас иттердің көбеюі, жастар арасында спортты дамыту мәселелері. Кездесуге келген халықтың сұрақтарына жауап беріп, жеке сұрақтары бойынша да облыс әкімі тұрғындарды қабылдады. 
«Аудандар бойынша көтерілген тақырыптарда кезек күттірмейтін мәселелер бар, оларды  кезең-кезеңмен қоғам белсенділері мен жанашыр азаматтар бірігіп отырып шешуіміз керек. Ауданның өзекті мәселелерін шешуде жергілікті атқарушы органдардың жұмысына Қоғамдық  бақылау маңызды роль атқарады. Мен барлық ниет білдірушілерді осы бағытта бірлесіп жұмыс жасауға шақырамын»-деді облыс әкімі С.Ж.Шәпкенов.
     Ел Президенті Қ.К.Тоқаев «Жаңа Қазақстан дегеніміз – егемен еліміздің болашақтағы бейнесі. Өз елінің ертеңіне сенбеген халық мықты мемлекет құра алмайды. Бұған тарихтан талай мысал келтіруге болады. Біз келешегіміз кемел боларына және жарқын болашақты өз қолымызбен жасай алатынымызға сенеміз. Әрбір азаматтың конституциялық құқығы мүлтіксіз сақталуын қамтамасыз етеміз. Мемлекет пен қоғамның өзара сеніміне және құрметіне негізделген жаңа саяси мәдениетті қалыптастырамыз. Маңызды шешімдер жұртшылықтың қатысуымен ашық қабылданады. Өйткені, мемлекет әр азаматтың үніне құлақ асады. Адал еңбек, озық білім және үздік тәжірибе әрдайым жоғары бағаланады. Мен жаңа Қазақстанның осындай ел болғанын қалаймын» -деген болатын.  Ауыл тұрғындары жарқын болашақты армандайды.