Комиссия отырысы өтті

Шымкент қаласы Қоғамдық Кеңесінің жанынан құрылған «Азаматтық қоғам институттарымен байланыс, әлеуметтік саланың дамуы жөніндегі» тұрақты комиссиясының отырысы өтті. Отырысты комиссия төрағасы Азат Ермекбайұлы Әміртаев ашып, жүргізіп отырды.

Күн тәртібінде білім басқармасына қарасты мектептер мен мектепке дейінгі бала-бақшалардың талапқа сай болуы, санитарлық нормалардың сақталуы, бала қауіпсіздігі секілді бірқатар мәселелер талқыланды.

Отырысқа кеңес мүшелері, Шымкент Қаласының білім басқармасы басшысының міндетін атқарушы Тоғжан Жалғасқызы Манкешова және салаға жауапты орынбасарлары қатысты.

Басқарма басшылығының мәліметіне сәйкес қаламыздың Білім саласына ваучерлік қаржыландыру жүйесін енгізудің арқасында 60-70 миллиондай теңге үнемделген.

Жиынға қатысқа кеңес мүшелері басқарма басшысына бірқатар сұрақтар қойып және ұсыныстар айтты. Басқарма тарапынан жауаптар беріліп, ұсыныстармен алдағы уақытта жұмыстар жүргізілетінін жеткізді.

Фото

Previous Next