ҚОҒАМДЫҚ КЕҢЕС ЖҰМЫСЫН ҚОРЫТЫНДЫЛАДЫ

Шымкент қаласы Қоғамдық кеңестің кезекті отырысы өтті. Дөңгелек үстел басына жиналған кеңес мүшелері ІІІ шақырылымының үш жылда атқарған жұмыстарын қорытындылап, есеп берді.

Жиынға Шымкент қаласы мәслихатының төрағасы Бахадыр Нарымбетов, қала әкімінің орынбасары Сәрсен Құранбек қатысты.

Қоғамдық кеңестің төрағасы Бауыржан Алтеев 2022 жылдан бастап осы күнге дейін атқарылған жұмыстар бойынша баяндама жасады. Жалпы үш жылда қоғамдық кеңестің 43 жиыны өтіп, Шымкент қаласы әкімдігіне қарасты 28 басқарманың, жергілікті 5 құқық қорғау органдары басшылығының жұмыс нәтижесі туралы ақпараттары тұрақты тыңдалған. Бұл кезеңде кеңес мүшелері 90 мәселе қарап, 33 хаттама түзсе, түрлі салаларға қатысты маңызды мәселелерді реттейтін 350-ге жуық хаттамалық ұсынымдар мемлекеттік органдарға жолданған. Соның ішінде 100-ге жуық нормативтік құқықтық акт жобасы қаралып, ұсынымдар мен қорытындылар ұсынылған.

«Қоғамдық кеңестің атқарған нәтижелі жұмысы көп. Мысалы «Қызылжар» тұрғын үй алабындағы 148 тұрғынның өтініші негізінде, яғни қаланың бас жоспарына сәйкес жасалған елді мекен магистралды жолдың бағытын өзгертуді сұрауына байланысты кеңес мүшелері тиісті мемлекеттік орган мамандарын шақырта отырып, тұрғындармен кездесіп, бақылау жұмыстарын жүргізді. Оның қорытындысымен тиісті салаға жетекшілік ететін қала әкімінің орынбасарына хат жолданды. Нәтижесінде кеңес мүшелерінің ұсынылған қорытындысы ескеріліп, бас жоспарға өзгеріс енгізілді. Бұдан кейін Шымкент қаласының тұрғынның тұрғын үй кезегінен заңсыз әрі негізсіз шығарып тастаған өтініші соңына дейін жеткізілді. Бұған қатысты Шымкент қаласы тұрғын үй басқармасына ресми хат жолданды. Басшына жеке хабар берілді. Сонымен хатар кеңеспен меморандумға тұрған Шымкент қаласының «ЕуроАзиялық медиация орталығына» тұрғынға заң аясында көмек беруді сұрап хат жолданды. Мәселе оң шешіліп, тұрғынды қайта кезекке тұрғызып, үйлі болды» - деді Б.Әлтеев.

Кеңес мүшелерінің жеке ұсынысымен жүзеге асқан шаруалар да бар. Мәселен Назарбеков көшесінде соңғы уақытта жол-көлік оқиғалары жиілеп кетуіне байланысты жол белгілерінің дұрыс орналастырылуына Жол басқармасы, ІІ департаменті өкілдерімен бірлесіп зерделеу жұмыстары жүргізілген. Тиісті мемлекеттік органдарға ұсыныстар жолданған. Нәтижесінде кемшіліктер ішінара жойылып, әлі де жұмыстар жүргізіліп жатыр. Ал қалалық денсаулық сақтау басқармасына қарасты сенімгерлік басқаруға берілген 3 мекемеге, яғни №2 қалалық емхана, №12 қалалық емхана және залалсыздандыру орталығына зерделеу жұмыстары жүргізілді. Зерделеу нәтижесінде сенімгерлікке алған кәсіпкер тарапынан көптеген заңбұзушылықтар байқалып, қоғамдық кеңесте қаралған. Қала әкімінің атына ұсыныс хат жолданып, №2 қалалық емхана мемлекетке қайтарылыпты. Бұдан басқа, білім басқармасымен бірге бала-бақшаларға актуализация жүргізілген. «Балабақшалардың жағдайы өте нашар. Бақылаусыз қалып отыр. Осы мәселені қала әкіміне көтеріп, ұсыныс айтқан болатынбыз. Алтыншыдан, ескі қалашықта қаланы бақылайтын мұнара тұрғызып, телескоптар қою, цитадель ішінен оқушылар үшін Астрономия үйірмесін ашуды ұсынған болатынбыз. Қала әкімі бұл ұсынысқа қолдау білдіріп отыр.

Жиын соңында шаһардағы мәселелердің шешімін табуға атсалысқан кеңес мүшелері қала әкімнің және маслихат төрағасының алғыс хаттарымен марапатталды. Қала басшылығы билік пен халық арасындағы алтын көпірге айналып, жұрттың мүддесіне жұмыс істеп жатқан Қоғамдық кеңестің жұмысына алғысын білдірді. Алдағы уақытта да қоян-қолтық жұмыс істеп, ел игілігі жолында азаматтық танытуға шақырды.

Фото

Previous Next