Комиссия отырысы өтті

Шымкент қаласы қоғамдық кеңесі жанынан құрылған «Ауыл шаруашылықты, кәсіпкерлік, құрылыс және коммуналдық салаларының дамуы жөніндегі» комиссиясының отырысы өтті.

Отырысты комиссия төрағасы Снабаев Мырзахмет Спабекұлы ашып, жүргізіп отырды.

Комисси отырысына кеңес мүшелері, Сыбайлас жемқорлыққа қарсы іс-қимыл Агенттігінің Шымент қаласы бойынша департаментінің Первенция басқармасы басшысының орынбасары, «AMANAT» партиясы Шымкент қалалық филиалы жанындағы сыбайлас жемқорлыққа қарсы іс-қимыл жөніндегі кеңесі, Экономика және бюджеттік жоспарлау басқармасы, Энергетика және инфрақұрылымды дамыту басқармасының өкілдері қатысты.

Күн тәртібінде Шымкент қаласы Ақжар елді мекенінде 6,6 млрд теңгеге салынып, құрылысы кешіктіріліп жатқан қосалқы станция мәселесі қаралды.

Энергетика және инфрақұрылымды дамыту басқармасы қазіргі таңда құрылыс жұмыстары жүргізіліп жатқанын, ағымдағы жылдың маусым айында толық бітетінін мәлімдеді.

Қоғамдық кеңес мүшелері тарапынан бірқатар ұсыныстар айтылып, алдағы уақытта құрылыс жұмыстары бақылауда болатынын жеткізді.

Фото

Previous Next