КОМИССИЯ ОТЫРЫСЫ ӨТТІ

Қоғамдық кеңес жанындағы Сыбайлас жемқорлыққа қарсы іс-қимыл жұмыстарын бақылау, заңдылық, құқық тәртібі және жергілікті өзін-өзі басқару жөніндегі тұрақты комиссияның көшпелі отырысында қалалық дене шынықтыру және спорт басқармасының қызметіндегі сыбайлас жемқорлық тәуекелдерін сыртқы талдау нәтижелері қаралды.

Комиссия жұмысына комиссия төрағасы Жанысбек Өтегенмен қатар Қоғамдық кеңес мүшелері, қалалық Сыбайлас жемқорлыққа қарсы қызметінің, дене шынықтыру және спорт басқармасының өкілдері, сондай-ақ ведомстволық бағынысты ұйымдардың басшылығы қатысты.

Отырыста мемлекеттік қаражаттың игерілуінің ашық еместігі және бақылаусыздығы, кәсіби клубтың тиімсіз шығындары, мемлекеттік-жекешелік әріптестіктің іске асырылу барысы талқыланды.

Сонымен қатар, сыбайлас жемқорлыққа қарсы волонтерлармен сыртқы талдау барысында спортшылардың жаттығулары үшін қосымша ақылар спорт мектептері директорларының жүргізушілеріне, коменданттарға, референттерге, мұрағатшыларға, аудармашыларға және басқаларға тағайындалғаны анықталды. 15 млн теңгеден астам негізсіз бес спорт мектебінің қызметкерлеріне аударылған қаражат бюджетке қайтарды.

Талдау қорытындысы бойынша Департаментпен 34 ұсыным енгізіліп, жарыстардың, спортшылардың және олардың жетістіктерінің бірыңғай электрондық тізілімін құру, тиісті спорттық атақтарды интеграциялау, спорттық атақтарды беру және одан айыру бойынша мемлекеттік қызмет көрсету процесін автоматтандыру бойынша мәселелер көтерілді.

Сондай-ақ, Комиссия отырысында қаланың энергетика және инфрақұрылымды дамыту басқармасы басшысының құрылыс мерзімі ұзаққа созылған және сыбайлас жемқорлық тәуекелдері картасына енген 3 объект бойынша есебі тыңдалды.

Фото

Previous Next