Қоғамдық кеңес отырысы өтті

Шымкент қаласы Қоғамдық кеңесінің кезекті отырысы өтті. Отырысты Шымкент қаласы қоғамдық кеңестің төрағасы Бауыржан Ілімшаұлы Әлтеев жүргізіп отырды.

Жиынға Шымкент қаласы мәслихатының төрағасы Бахадыр Мәдәліұлы Нарымбетов қатысып, Қазақстан Республикасы мәслихаттарына 30 жыл толуына орай қоғамдық кеңес мүшелерін, қаланың құрметті азаматтарын, белсенді азаматтарды «Жергілікті өкілді органдардың дамуына қосқан үлесі үшін» төсбелгісімен марапаттады.

Күн тәртібіне сәйкес 2025-2027 жылдарға арналған қалалық бюджеттің жобасы бойынша экономика және бюджеттік жоспарлау басқармасының басшысы Есқараев Ерлан Бастарұлының, Жергілікті деңгейде заңдылықты қамтамасыз ету, құқық бұзушылықтар профилактикасы мен қоғамдық тәртіпті сақтау және жол қауіпсіздігін қамтамасыз ету бағыттарында атқарылып жатқан жұмыстар туралы сөз полиция департаментінің бастығы Алмасбеков Нұрлан Сейсетайұлының, орынбасары Мылтықов Улугбек Тұрғынұлының, Қалалық орта сапасы және бақылау басқармасының 2024 жылы атқарылған жұмыстары туралы басқарма басшысы Керімжанов Мерлан Абдрахманұлының, Цифрландыру басқармасының 2024 жылы атқарылған жұмыстары туралы сөз басқарма басшысы Кемелов Мұхит Абуталипұлының баяндамалары тыңдалып, сұрақтарға жауап берілді.

Шымкент қаласының қалалық жайлы ортаны дамыту басқармасымен ағымдағы жылы жалпы 156 құрылыс объектілері бойынша 312 әкімшілік құқық бұзушылық туралы хаттамалар толтырылып, әкімшілік жауапкершілікке тартылды (99 247 692 теңге). Өндірілгені (60 583 114 теңге).

Тексеру нәтижелерінде 138 құрылыс нысандарына анықталған бұзушылықтарды жою туралы нұсқама берілді.

«Ақпараттандыру туралы» Қазақстан Республикасы Заңының 7-бабының 63-5-тармақшасын іске асыру мақсатында, өңірлерде «Ақылды» қалалар» эталондық стандарты бекітілді. 2022 жылдың қорытындысына сәйкес көрсеткіш 55%-ға, ал 2023 жылы 61%-ға өсті. 2024 жылдың 3-тоқсан бойынша Шымкент қаласы әкімдігінің құрылымдық бөлімшелері тарапынан барлығы: 10 712 667 қызмет ұсынылды, оның ішінде: Қағаз түрінде (кеңсе арқылы) барлығы: 167 312 (үлесі 1,6%) қызмет ұсынылды. Электронды түрде (ақпараттық жүйелер арқылы) барлығы: 10 545 355 (үлесі 98,4%) қызмет ұсынылды. Ағымдағы жылы көрсеткішті 70%-ға жеткізу төмендегі жобаларды жүзеге асыру арқылы жоспарлануда.

Баяндамашыларға кеңес мүшелері өз тараптарынан тиісті сұрақтар қойып, ұсыныстарды енгізіп, қоғамдық бақылауға алатындықтарын жеткізді.

Фото

Previous Next