Қоғамдық бақылау: Әлеуметтік тұрақтылық пен ашықтық кепілі

29 сәуірде Жамбыл облыстық Қоғамдық кеңесінің 4-ші комиссиясы - Экологиялық қауіпсіздік, қоғамдық тәртіп, әлеуметтік жанжалдардың алдын алу және сыбайлас жемқорлыққа қарсы іс- қимыл жөніндегі комиссияның отырысында Қоғамдық бақылаудың міндеттері, комиссия жұмысын жоспарлау, ұйымдастыру және жүргізу, қажеттілікке қарай комитеттер құру туралы күн тәртібі қаралды.

Комиссия төрағасы Мейірхан Сатыбалдин комиссия мүшелеріне алдағы уақытта заң шеңберінде атқарылатын іс-шаралар, жұмысты ұйымдастыру тетіктері туралы баяндады.

Отырыста комиссия мүшелері өз өкілеттіктері аясында азаматтардың құқықтарына, бостандықтары мен міндеттеріне қатысты нормативтік-құқықтық актілердің жобаларын әзірлеуге және талқылауға қатысуы, қоғамдық маңызы бар мәселелер бойынша жеке және заңды тұлғалардың жолданымдарын қарау, қоғамдық бақылау нысандары туралы сұрақтарды қызу талқылады.

 Комиссия отырысына қатысқан Қоғамдық кеңес төрағасы Дүйсеналы Бықыбаев жергілікті басқару органдарының жұмысына қоғамдық бақылауды “ Қоғамдық кеңестер туралы” ҚР Заңында көзделген нысандарда жүзеге асыру және осы бағытта тиісті саланың қоғамдық маңызы бар мәселелерін зерделеу үшін құрылатын комитеттер құрамы туралы тоқталып өтті.

 Комиссия мүшелері Ж.Омаров, М.Абдраимов, Б.Кеңесбек, Қ.Өскембекова күн тәртібіндегі сұрақтарды талқылауға белсене қатысып, комиссияның жұмыс жоспарына нақты ұсыныстар берді.

Фото

Previous Next