ХАЛЫҚ ҮШІН ӨЗЕКТІ МӘСЕЛЕЛЕРДІ ҚАРАУ МЕН ШЕШУ — ҚОҒАМДЫҚ КЕҢЕСТІҢ БАСТЫ ҰСТАНЫМЫ

28 сәуірде Жамбыл облыстық Қоғамдық кеңесінің Білім беру, денсаулық сақтау, мәдениет, спорт, жастар саясаты, қоғамдық даму және жұмыспен қамту жөніндегі комиссияның отырысы өтті.

Комиссия төрағасы Сұлушаш Құрманбекова “Қоғамдық кеңестер туралы” ҚР Заңымен айқындалған кеңес мүшелерінің өкілеттіктері, құқықтары мен міндеттеріне тоқталып, осы мақсатта комиссияның жұмысын тиімді ұйымдастырудың маңыздылығын атап өтті.

Комиссия төрағасы Мемлекеттік органдардың, оның ішінде комиссияға қатысты 6 басқарманың қызметі туралы Ережелер, жүзеге асырылатын бюджеттік бағдарламалар, мемлекеттік көрсетілетін қызметтері, салалық бағдарламалар жөніндегі құжаттармен комиссия мүшелерін қамтамасыз ету қажеттігін айта отырып, алдағы уақытта жоспар бойынша комиссия тарапынан жүргізілетін қоғамдық бақылау нысандарының мінлеттері туралы баяндады.

Отырысқа қатысқан ҚК төрағасы Дүйсеналы Бықыбаев қолданыстағы заңнама аясында Қоғамдық кеңестердің халық үшін аса сезімтал мәселелерді қарау мен шешудегі ұстанымын күшейту мақсатында облыстық кеңестің жұмысын жандандыру қажеттігін баса айтып, осы орайда тиісті салалар бойынша комиссия мүшелерінің қоғамдық бақылау саласындағы өкілеттіктерін іске асыру тәртібін түсіндірді.

Сонымен қатар комиссия отырысында қажеттілікке қарай комитеттер құру, комиссия мүшелерінің KPI көрсеткіштерін нақтылау туралы сұрақтар қарастырылып, тиісті шешімдер қабылданды.

Фото

Previous Next