Келес аудандық Қоғамдық кеңесінің отырысы өтті

Қоғамдық кеңесінің ағымдағы жылдың сәуір айына жоспарланған кезекті отырысы Келес аудан әкімдігінің мәжіліс залында өтті. Жиынға Қоғамдық кеңес төрағасы Ергешбай Абишев төрағалық етіп, жиналысты жүргізді.

Кезекті отырыс барысында аудан аумағында атқарылған бірқатар жұмыстар талқыланды. Атап айтқанда:

1. «Қазыналы қария – тең қоғам» мемлекеттік мекемесінің директоры А.Төлепбергенова мекеменің 2024 жылғы қызметі туралы баяндама жасады;

2. Бірлесу ауылдық округінің әкімі Ж. Серікбай және Ақтөбе ауылдық округінің әкімі Е. Жасұзақов 2024 жылы округтерінде атқарылған негізгі жұмыстар туралы есеп берді;

3. Келес аудандық білім бөлімінің басшысы Р. Жайлаубай ауданның білім саласындағы 2024 жылы атқарылған жұмыстармен таныстырды.

Сонымен қатар, күн тәртібінде ауыл шаруашылығы және кәсіпкерлік бағытындағы мәселелер де жоспарланған болатын. Алайда келесі себептерге байланысты төрт баяндама келесі отырысқа қалдырылды:

• Аудан әкімінің орынбасары С. Джилкибаев және ауыл шаруашылығы бөлімінің басшысы А. Жұманов шегіртке зиянкестерімен күрес жұмыстары аясында жергілікті жерге шығуына байланысты қатыса алмады.

• «Түркістан» кәсіпкерлерге қызмет көрсету орталығының Келес аудандық бөлім басшысы А. Мұталиева "Халықаралық бизнес-форум – Джизақ 2025" шарасына Келес ауданынан қатысатын кәсіпкерлерді сүйемелдеуге байланысты жиналысқа қатыса алмады;

• Бірлік ауылдық округінің әкімі де отырысқа қатыса алмауына байланысты, оның есебі кейінге қалдырылды.

Қоғамдық кеңес мүшелері бұл төрт мәселені келесі отырысқа қалдыру туралы ұсыныс білдіріп, ұсыныс бірауыздан қолдау тапты.

Отырыс қорытындысында қаралған мәселелер назарға алынып, баяндамашылар ұсынған мәліметтер бойынша кеңес мүшелері пікір білдіріп, өзекті мәселелерге қатысты ұсыныстар мен ескертулер жасалды. Барлық ұсыныстар хаттамаға енгізіліп, тиісті шешімдер қабылданды.

Фото

Previous Next